8:30  pati,  quod  addicti  immanibus  aerumnis  aegre  spiritum  trahebant.  Sed  quum  masculum  semen  penitus  aboleri  iussisset  Pharao,  quis  non  ad  extrema  ventum  esse  dixisset?  Mentiuntur  obstetrices,  ne  regiae  crudelitati  ministras  se  praebeant.  Ipse  denique  gentis  liberator  Moises,  iuncea  arca  inclusus,  ad  ripam  fluminis  proiicitur.  Desperata  omnium  salus,  totumque  nomen  prorsus  deletum  videbatur.  Quam  insigne  ergo  hoc  Dei  miraculum  esse  iudicabimus,  quod  qui  decies  consumpti  esse  poterant  non  modo  integri  manent,  sed  incredibiles  illos  faciunt  progressus,  qui  referuntur  a  Moise?  Hic  vero  se  ostendit  in  reputandis  Dei  operibus  plus  quam  maligna  hominum  [pag.  34]  pravitas.  Nam  si  quid  opinione  sua  maius  a  Deo  editum  fuisse  audiunt  in  ecclesiae  salutem,  quasi  fabulosum  reiiciunt.  Quidquid  vulgare  est,  nec  alias  insolitum,  fortuito  accidisse,  vel  saltem  humanitus,  iactantes  contemnunt.  Si  autem  minus  prospera  aut  laeta  est  ecclesiae  conditio,  hoc  protinus  arripiunt  ad  scandali  materiam.  Proinde  quod  miseris  Iudaeis  lateritium  opus  tam  grave  et  illiberale  non  secus  ac  iumentis  imponi,  quod  masculam  eorum  sobolem  ab  utero  ad  necem  postulari,  quod  turbam  ignobilem  tumultuarie  collectis  vasis  clanculum  aufugere  Moises  narrat  :  hoc  plurimis  indignum  esse  ecclesiae  gloria  videtur.  Quod  Iacob  cum  sua  familia  comiter  a  Pharaone  faisse  exceptum,  quod  benigne  tractatum  et  in  opimis  pascuis  collocatum  refert:  hoc  in  secunda  fortuna  deputant.  Quod  non  ita  longo  temporis  successu  in  populum  ingentem  crevisse  familia  una  dicitur,  quod  tradit  idem  Moises  tot  a  Deo  edita  fuisse  portenta,  ut  perditos  ac  desperatos  Israelitas  redimeret  :  quia  fidem  excedit,  quasi  fictitium  subsannant.  Ergo  ut  puras  ad  consideranda  Dei  opera  mentes  afferamus,  hac  pravitate  nobis  ingenita  ante  purgandae  sunt.  Ne  historiam  texere  videar  (quod  minime  praesentis  est  instituti)  quae  magno  orationis  splendore  ornari  merentur  divinae  in  servanda  ecclesia  providentiae  exempla,  leviter  quasi  in  transcursu  attingere  mihi  satis  est.  Quanquam  ne  decimam  quidem  partem  attingere  patitur  operis  ratio.  Nec  vero  id  magnopere  necesse  est:  modo  ex  paucis  unum  hoc  quod  volo  agnoscant  lectores:  quo  magis  sub  cruce  oppressa  fuit  ecclesia,  eo  clariorem  in  ea  erigenda  Dei  virtutem  exstitisse.  Ex  quo  in  terram  Chanaan  ingressus  est  populus,  quo  minus  vacuam  ab  hostibus  tranquillamque  possideat,  sua  illi  [pag.  35]  obstat  incredulitas.  Continuis  deinde  hostium  incursionibus  impetitur.  Fractis  deinde  contusisque  viribus,  praedae  ac  direptioni  patet.  Praeterea  dominos  saepius  mutat,  qui  tamen  certatim  in  eum  perdendum  conspirant:  ut  mirum  sit  tot  ac  tam  diris  propinquisque  cladibus  fuisse  superstitem.  Certe,  post  captam  Domini  arcam,  nje  latum  quidem