7:30  tudinem  generalitatis.  Illud  est  magis  difficile:  quod  Ioanna  creata  fuit  in  papam.  Nam  tunc  videtur  fuisse  facta  aliqua  interruptio.  Sed  dicas,  quod  tunc  sedes  supponebat  in  defectum  hominis.l)  Ita  etiam  dicendum  est  de  tempore  schismatis:  quum  Gregorius,  *et  Ioannes,  et  Petrus,  erant  antipapae.  Item,  quum  electus  fuit  Amedeus,  deposito  Eugenio  in  concilio  generali  et  postea  abdicatus,  quia  Eugenius  fuit  potentior.  Hoc  modo  remanebit  perpetuus  ordo  successionis.  Secundum  membrum,  quod  ecclesia  errare  in  fide  et  moribus  non  valeat,  difficulter  probatur  in  ecclesia  visibili,  tamen  hoc  satis  esse  debet  ad  probationem,  quod  ratum  est  quidquid  determinavit  ecclesia  romana.  Sed  ratione  adhuc  melius  probatur,  quia  immediate  regitur  a  spiritu  sancto.  Sed  spiritus  sanctus  non  potest  errare.  Ergo  per  consequens,  neque  ipsa.  Tertio  probatur  ex  articulo  sequenti.  Quia,  quum  ad  ipsam  spectet  determinare  in  omnibus,  nihil  esset  certum  in  fide,  nisi  essemus  resoluti  de  ipsius  infallibilitate.  Sicuti  nunc,  si  non  esset  hic  invincibilis  clypeus  pro  nobis,  essemus  iam  centies  victi  a  Lutheranis:  quum  habeant  pro  se  apparentiam  veritatis  et  fortibus  argumentis  nos  premant.  ANTIDOTUM.  Ecclesiam  universalem  esse  et  fuisse  ab  initio  mundi,  et  fore  usque  in  finem,  confitemur  omnes.  De  aspectu,  unde  agnosci  queat,  quaestio  est.  Eum  constituimus  in  verbo  Dei.  Vel,  si  quis  malit,  quum  Christus  eius  sit  caput  :  quemadmodum  agnoscitur  homo  ex  facie,  ita  illam  in  Christo  intuendam  esse  dicimus.  Sicut  scriptum  est:  ubi  erit  corpus,  illuc  congregabuntur  aquilae  (Matth.  24,  28).  Item,  erit  unum  ovile,  et  unus  pastor  (Ioann.  10,  16).  Quum  ergo  non  semper  emineat  pura  verbi  praedicatio,  nec  semper  conspicua  sit  Christi  facies,  inde  colligimus,  non  semper  ecclesiam  oculis  hominum  subiectam  esse:  quemadmodum  multorum  saeculorum  exempla  testantur.  Nam  prophetarum  tempore  sic  praevalebat  multitudo  impiorum,  ut  oppressa  esset  vera  ecclesia.  Sic  etiam  Christi  tempore,  videmus  absconditum  fuisse  ab  hominibus  exiguum  Dei  gregem:  quum  impii  nomen  ecclesiae  sibi  usurparent.  Qui  autem  tam  perspicaces  habent  oculos,  ut  ecclesiam  sibi  visibilem  semper  esse  iactent,  quid  facient  Heliae,  qui  se  solum  restare  ex  ecclesia  putabat  (1  Reg.  19,  10)?  Falso  id  quidem.  Sed  is  2)  argumento  est,  ecclesiam  Dei  posse  nos  non  1)  Hoc  Gallus  sic  vertit:  que  le  siege  supposoit  en  defaut  de  la  personne,  quod  vide  an  significet,  sedem  ipsam  tamen  substitisse  vel  deficiente  persona  sedentis.  Ita  paulo  infra  ubi  de  schismate  agitur  :  car  alors  le  siege  suppleoit.  2)  SIC  princeps.  Caeterae  scribunt  :  id.