54:30  apparoisse  comme  en  plein  midi,  combien  que  Iesus  Christ  soit  le  soleil  de  iustice  qui  nous  esclaire,  que  nous  en  voyons  encores  beaucoup  qui  ferment  les  yeux.  Et  ainsi,  quelle  condamnation  y  aurail  sur  leur  teste,  veu  que  ceux  qui  s'alienent  quand  les  choses  sont  confuses,  ne  sont  point  a  excuser  pourtant?  Car  selon  que  le  sainct  Esprit  approuve  ceux  qui  persistent  en  la  foy  d'autant  qu'il  les  enflamme,  aussi  il  n'y  a  nulle  doute  qu'il  ne  condamne,  et  qu'il  ne  deteste  tous  ceux  qui  prenent  occasion  de  s'eslongner  de  Dieu  quand  les  choses  ne  leur  vienent  point  a  plaisir  comme  ils  voudroyent.  Or  quand  8.  Paul  dit  a  Timothee  qu'il  scait  aussi  bien  que  la  foy  habite  en  luy,  il  ne  parle  point  de  sa  foy  presente,  et  de  celle  qu'il  avoit  depuis  qu'il  estoit  appele  a  l'Evangile,  mais  il  parle  de  la  foy  qu'il  avoit  eue  des  son  enfance.  Car  Dieu  luy  avoit  fait  la  grace  qu'il  avoit  suivi  le  bon  coste,  qu'il  avoit  adhere  a  sa  mere,  puis  qu'ainsi  est  que  son  pere  estoit  infidele,  ainsi  qu'il  en  est  parle  par  sainct  Luc  aux  Actes  des  Apostres.  Ainsi  donc,  pourquoy  sainct  Paul  le  ramene-il  a  la  foy  qu'il  a  eue  des  son  enfance?  Afin  qu'il  soit  tant  plus  incite  a  suivre  la  bonne  doctrine  en  laquelle  il  a  este  enseigne  des  le  commencement.  Et  par  cela  nous  sommes  admonestez,  que  si  nous  avons  este  nourris  des  nostre  ieunesse  en  la  pure  religion,  nous  serons  tant  plus  inexcusables  s'il  nous  advient  de  nous  desbaucher.  Un  homme  qui  n'aura  ouy  parler  de  l'Evangile  sinon  trois  iours  auparavant,  s'il  se  revolte  puis  apres,  si  faut-il  qu'il  porte  sa  condamnation:  mais  quand  Dieu  nous  aura  appelez  des  nostre  enfance  a  la  pure  doctrine,  et  qu'estans  devenus  hommes  nous  plaquions  la  tout,  et  que  nous  changions  de  propos,  quelle  condamnation  y  aura-il  sur  nos  testes?  Et  toutesfois  nous  voyons  comme  il  en  va.  Auiourd'huy  on  eust  attendu  des  petits  anges,  quand  il  y  a  eu  des  enfans  nourris  en  l'Evangile,  qu'ils  devoyent  avoir  appris  la  religion  en  tettant  la  mammelle  de  leur  nourrice.  Brief,  il  sembloit  que  ce  deussent  estre  des  perles  en  l'Eglise  de  Dieu.  Et  que  sont-ils  devenus?  Ils  se  sont  pervertis  comme  des  diables,  qu'ils  sont  beaucoup  pires  que  s'ils  fussent  demeurez  en  ces  abominations  horribles  de  la  Papaute.  Et  ainsi  nous  avons  bien  a  deplorer  un  si  miserable  siecle,  quand  nous  voyons  que  Dieu  est  ainsi  despite.  Pourtant  ne  trouvons  point  estrange  si  Dieu  envoye  de  si  horribles  confusions  comme  nous  les  voyons,  mais  attendons-en  encores  de  plus  grandes,  comme  a  la  verite  il  faudra  que  nous  soyons  engloutis  aux  abysmes,  quand  Dieu  visitera  en  sa  vengeance  l'ingratitude  que  nous  voyons  par  tout.  Or  nous-nous  prosternerons  devant  la  face  de  nostre  bon  Dieu,  etc.