51:30  seigne,  voire  l'invoquant  en  crainte  et  solicitude.  Car  sainct  Paul  n'a  pas  vculu  (comme  desia  nous  avons  monstre)  faire  la  chose  trop  facile,  pour  ce  que  les  hommes  ne  sont  que  par  trop  enclins  a  tardivites  il  n'a  pas  donc  ici  voulu  nous  endormir:  mais  il  nous  a  declare  en  premier  lieu  qu'il  faut  que  nous  sojons  ennemis  de  nous-mesmes,  et  que  nous  combattons  contre  nos  pensees,  et  contre  toutes  nos  affections  pour  bien  servir  a  Dieu.  Or  maintenant  pour  ce  que  nous  pourrions  estre  estonnez,  et  que  chacun  reculeroit  d'autant  qu'il  nous  est  impossible  d'en  venir  a  bout,  il  dit,  Et  l'Esprit  de  Dieu  ne  gagnera-il  pas?  voire,  mais  nous  ne  l'avons  pas.  Et  a  qui  tient-il,  sinon  que  nous  ne  recourons  point  a  celuy  qui  est  prest  de  nous  le  donner,  voire  selon  la  mesure  et  portion  qu'il  cognoit  nous  estre  utile?  Nostre  Seigneur  crie  par  ie  Prophete  Isaie,  Vous  tous  qui  avez  soif,  venez  a  l'eau,  prenez  et  sans  argent,  et  sans  eschange,  et  vin,  et  eau,  et  laict.  Recevez  (dit-il)  de  mon  Esprit:  car  ie  suis  prest  de  vous  en  eslargir  liberalement  tant  qu'il  vous  faudra.  Voila  donc  Dieu  qui  a  ainsi  parle.  Comme  nostre  Seigneur  Iesus  Christ  monstre  aussi  qu'il  est  la  vraye  fontaine  ou  il  nous  faut  puiser,  et  que  de  sa  plenitude  nous  serons  rassasiez:  comme  il  en  parle  au  7.  chap.  de  sainct  Iean,  f.  37,  que  quiconque  viendra  a  luy,  il  buvra  de  l'eau  a  suffisance  qu'il  aura  mesmes  une  fontaine  qui  decoulera  que  les  ruisseaux  en  sortiront,  que  nonseulement  il  en  aura  pour  soy  tant  qu'il  luy  en  faudra:  mais  les  eaux  decouleront  de  son  ventre  quand  il  souffrira  que  Iesus  Christ  luy  eslargisse  de  son  Esprit:  car  il  est  prest  et  appareille  de  ce  faire.  Ainsi  donc  combien  que  l'Esprit  de  Dieu  soit  eslongne  de  nous  d'une  grande  distance,  si  est-ce  toutesfois  que  nous  en  recevrons  assez,  et  que  Dieu  est  prest  de  nous  en  eslargir:  ce  qu'il  fera  puis  qu'il  l'a  ainsi  prononce,  et  qu'il  nous  convie  tant  doucement,  nous  en  recevrons  ce  qui  nous  sera  utile.  Et  ainsi  donc  comme  nous  sommes  ici  admonestez  de  batailler  voire  avec  tous  efforts:  aussi  d'autre  part  il  nous  est  monstre  que  nous  avons  la  victoire  toute  certaine  et  infaillible,  moyennant  que  nous  cerchions  nostre  secours  en  Dieu,  et  qu'estans  conveincus  de  nostre  faiblesse,  et  ayans  confesse  en  toute  humilite  que  nous  ne  pouvons  rien:  si  nous  venons  a  nostre  Dieu,  et  que  nous  requerions  qu'il  soit  nostre  medecin,  son  sainct  Esprit  ne  sera  pas  si  debile,  qu'il  ne  surmonte  toutes  les  passions  de  nostre  chair,  et  qu'il  ne  nous  face  grace,  que  nous  viendrons  a  bout  de  tous  les  combats  qui  nous  sont  dressez.  Or  derechef  8.  Paul  dit  que  les  fideles  ne  font  pas  ce  qu'ils  voudroyent:  et  c'est  pour  tousiours  leur  donner  courage,  a  fin  que  nous  apprenions  de  marcher  plus  outre,  encores  que  nous  ne  puissions