46:30  qu'il  nous  le  faut  adorer  en  sa  crainte.  Or  la  David  conioint  ces  deux:  c'est  ascavoir,  que  nous  venions  hardiment  a  nostre  Dieu,  pource  qu'il  est  prest  de  nous  recevoir  d'une  facon  paternelle:  mais  que  cela  n'engendre  pas  une  fierte  en  nous,  et  que  nous  ne  prenions  point  occasion  de  mespriser  celuy  qui  s'abaisse  ainsi,  pour  nous  eslever  a  soy.  Voyla  donc  ce  que  nous  avons  a  observer  quant  a  ceste  crainte:  que  l'Ange  n'a  pas  entendu  que  Zacharie  doyve  estre  insensible,  qu'il  doyve  la  demeurer  endormi,  pour  n'estre  point  esmeu  ni  touche  d'aucune  reverence:  mais  qu'il  ne  doit  pas  estre  tellement  saisi  de  frayeur,  quo  cela  l'estonne  en  sorte  qu'il  ne  puisse  recevoir  la  promesse  qui  luy  doit  estre  apportee.  Car  si  nous  sommes  preoccupez  de  telle  frayeur  du  iugement  de  Dieu,  nous  ne  pouvons  recevoir  nulle  consolation,  qui  nous  soit  proposee  de  l'Escriture  saincte,  nous  fermons  la  porte  a  tout  ce  qui  nous  peut  secourir  en  telle  necessite.  Ainsi  donc  il  faut  que  nostre  crainte  soit  moderee.  Et  en  somme,  apprenons  a  l'exemple  de  Zacharie,  toutesfois  et  quantes  que  nostre  Seigneur  nous  declare  que  nous  trouverons  grace  et  misericorde  envers  luy,  que  combien  que  nous  ayons  occasion  d'estre  du  tout  esperdus,  et  transis  en  nousmesmes,  si  devons-nous  prendre  courage  pour  venir  a  luy,  et  escouter  d'une  foy  paisible  tout  ce  qu'il  nous  proposera:  c'est  ascavoir,  pour  estre  asseurez  de  nostre  salut,  ou  gist  toute  sa  bonte  et  faveur  paternelle.  Voyla  donc  ce  que  nous  avonB  a  observer  sur  ce  passage.  Et  ainsi,  quand  nous  n'aurons  pas  cela  imprime  en  nos  coeurs,  que  Dieu  nous  vueille  estre  Pere,  il  est  certain  que  nous  demanderons  sinon  de  iamais  n'ouyr  parler  de  luy:  et  semblera  qu'on  nous  voudra  trainer  a  la  torture,  ou  au  gibet,  toutesfois  et  quantes  qu'on  en  fera  quelque  mention.  Et  voyla  en  quel  estat  sont  tous  incredules:  c'est  qu'ils  voudroyent  que  toute  memoire  de  Dieu  fust  ensevelie.  Et  pourquoy?  Ils  ne  peuvent  sentir,  ni  se  persuader  qu'ils  trouvent  quelque  faveur  envers  luy:  et  non  sans  cause:  car  aussi  ils  repoussent  toutes  les  promesses,  par  lesquelles  ils  devroyent  estre  certifiez  de  cela.  D'autant  plus  donc  nous  faut-il  chercher  le  remede  qui  nous  est  yci  monstre  par  S.  Luc:  c'est,  que  quand  nous  serons  estonnez  en  nos  consciences,  et  que  nous  apprehenderons  ce  que  nos  pechez  meritent  devant  Dieu:  c'est  ascavoir  l'horrible  condamnation,  de  laquelle  nous  sommes  dignes,  que  la  dessus  nous  goustions  ses  promesses,  et  que  nous  n'ayons  point  les  oreilles  bouchees  a  icelles:  mais  quand  nous  aurons  entendu  que  Dieu  veut  avoir  pitie  de  nous,  et  qu'il  est  prest  de  nous  recevoir  a  merci,  que  nous  venions  a  luy  en  telle  sorte,  que  nous  prenions  occasion  de  nous  esiouir:  et  si  nous  avons  quelque  crainte  qui  nous  empesche  d'appro-