45:30  colligi  potest,  quod,  quum  multa  occurrerent  in  contrariam  partem,  non  nisi  in  uno  haesitat.  Obiicere  promptum  erat,  ubinam  esset  solium  illud  Davidis,  quum  pridem  abolita  esset  omnis  dignitas  imperii,  totusque  regii  generis  exstinctus  splendor.  Certe  si  rem  aestimasset  iudicio  carnis,  pro  fabula  duxisset  quod  audierat  ab  angelo.  Quare  non  dubium  est,  quin  penitus  de  ecclesiae  instauratione  persuasa  rei  secundum  carnem  incredibili  facile  locum  dederit.  Et  probabile  est,  tunc  passim  celebratum  fuisse  vaticinium  illud  Iesaiae  (  l  l  ,  1),  ubi  surculum  Deus  se  excitaturum  promittit  ex  contempto  Isai  trunco.  Fides  ergo  de  gratia  Dei  in  animo  virginis  concepta  effecit,  ut  sine  controversia  admitteret  allatum  sibi  nuntium  de  erigendo  solio  Davidis.  Si  quis  excipiat,  fuisse,  etiam  aliud  vaticinium,  quod  virgo  filium  paritura  esset,  respondeo,  eius  mysterii  tunc  obscuram  fuisse  notitiam.  Nasciturum  quidem  sibi  regem  sperabant  patres,  sub  quo  beatus  ac  felix  esset  Dei  populus,  sed  modus  quasi  velo  interposito  absconditus  latebat.  Ergo  nihil  mirum,  si  quaestionem  movet  sancta  virgo  de  re  sibi  incognita.  Quod  autem  ex  eius  verbis  suspicati  sunt  quidam,  perpetuae  virginitatis  conceptum  habuisse  votum,  nimis  infirmum  est,  imo  prorsus  absurdum:  perfide  enim  passa  fuisset,  se  marito  collocari,  sanctumque  coniugii  foedus  non  sine  Dei  ludibrio  sprevisset.  Quamlibet  barbara  tyrannis  grassata  sit  in  hac  parte  sub  papatu,  nunquam  tamen  eousque  progredi  ausi  sunt,  ut  permitterent  uxori  continentiam  vovere  suo  arbitrio.  Deinde  puerile  commentum  est,  monachismum  fingere  inter  Iudaeos.  Solvendum  est  tamen  obiectum  illud,  quod  Virgo  in  futurum  tempus  respiciat,  ideoque  significet,  nullam  sibi  fore  cohabitationem  cum  viro.  Haec  vero  coniectura  et  probabilis  est  et  simplex,  quod  rei  magnitudo  vel  potius  maiestas  virginem  perculerit,  ut  sensus  omnes  admiratione  ligatos  haberet  ac  constrictos.  Quum  audit,  nasciturum  esse  Dei  filium,  aliquid  non  vulgare  concipit,  atque  haec  ratio  est  cur  coitum  virilem  excludat.  Hinc  attonita  exclamat,  Quomodo  erit  istud?  Ideo  tam  clementer  illi  Deus  ignoscit,  et  per  angelum  benigne  et  comiter  respondet,  quia  reverenter  et  sobrie,  non  sine  admiratione  divini  operis  quaesierat,  quomodo  futurum  esset,  quod  sibi  persuaserat  vulgari  et  consueta  naturae  ratione  esse  sublimius.  Denique  haec  quaestio  fidei  adversa  ideo  non  fuit,  quia  ex  admiratione  potius  quam  ex  diffidentia  oriebatur.  35.  Spiritus  sanctus  superveniet  in  te;  Modum  non  definit  angelus,  qui  curiositati  sufficiat,  sicuti  opus  non  fuit.  Sed  virginem  simpliciter  ad  considerandam  spiritus  sancti  virtutem  revocat,  ut  cum  silentio  et  quiete  se  illi  totam  resignet.  Verbum  supervenire  significat,  extraordinarium  fore  hoc  opus,  ubi  naturae  media  deficiunt.  Proximum-  etiam  mem-