43:30  ergo  proponitur  illis  exitus  iste,  perinde  est  ac  si  Deus  in  memoriam  reduceret  quam  ignominiose  tractati  fuerint,  et  quam  dura  fuerit  eorum  servitus  in  Aegypto.  Origo  illa  debebat  eos  humiliare,  debebat  etiam  stimulare  ad  studium  pietatis.  Quum  nunc  superbe  exsultent  contra  Deum,  quum  nulla  eos  tangat  memoria  suae  redemptionis,  hoc  vitium  merito  illis  obiicitur  a  propheta:  ecce,  inquit,  Ego  vos  eduxi  e  terra  Aegypti:  quales  eratis?  quaenam  erat  vestra  nobilitas?  quaenam  opes,  vel  divitiae?  qualis  potentia?  Nam  abusi  sunt  Aegyptii  vobis  tanquam  vilissimis  mancipiis.  Fuit  igitur  plus  quam  probrosa  vestra  conditio:  eratis  quasi  perditi:  ego  redemi  vos:  et  nunc  sepulta  est  cognitio  tam  illustris  beneficii,  quod  tamen  aeterna  memoria  dignum  erat.  Postea  addit,  Ego  vos  ambulare  feci,  ete.  Propheta  hio  meminit  deserti,  ut  agnoscant  Israelitae  se  fuisse  dignos,  quibus  Deus  clauderet  terrae  ingressum,  tametsi  eam  pollicitus  fuerat  Abrahae  in  haereditatem.  Unde  enim  factum  est,  ut  Dominus  ipsos  circumduxerit  tam  longo  tempore,  nisi  quia,  quantum  in  ipsis  fuit,  abnegaverant  Deum,  et  se  reddiderant  indignos  qui  fruerentur  haereditate  promissa?  Ergo  propheta  hic  oblique  perstringit  Israelitas,  quod  per  annos  40.  Deus  remoratus  fuerit  ipsos,  neque  statim  induxerit  in  terram  promissam:  quod  facile  erat,  nisi  ipsi  clausissent  sibi  ianuam  propria  ingratitudine.  Haec  una  est  ratio  cur  nunc  de  40.  annis  propheta  loquatur.  Deinde  quoniam  Deus  multis  modis  in  deserto  testatus  fuerat  benevolentiam  suam  erga  Israelitas,  ideo  magis  ac  magis  eos  devinxerat  sibi:  nisi  impia  oblivio  sepelivisset  apud  eos  omnia  beneficia:  Deus  quotidie  man  illis  pluebat  e  coelo:  deinde  dabat  potum  ex  rupe  arida:  dirigebat  eos  interdiu  per  columnam  nubis,  nocte  autem  per  ignem.  Deinde  scimus  quam  variis  modis  Deus  ipsos  toleraverit,  et  quam  multa  dederit  signa  suae  indulgentiae  erga  eos.  Quum  ergo  propheta  hic  de  40  annis  loquitur,  voluit  Israelitas  monere,  ut  colligerent  tot  gratias  qiubus  obstricti  erant  Deo,  quum  scilicet  mirabiliter  per  annos  40.  fuissent  in  deserto  deducti.  Iam  subiicit.  Suscitavi  e  filiis  vestris  prophetas,  et  ex  adolescentibus  vestris,  vel  robustis  (nam  Oiira,  quemadmodum  alibi  diximus,  Hebraei  vocant  electos  homines)  ex  adolescentibus  ergo,  vel  ex  ipso  flore,  ego  suscitavi  Nazaraeos.  Annon  hoc  etiam  filii  Israel?  (vel  utique).  Nam  particula  *)N  aliquando  affirmat  simpliciter,  aliquando  etiam  auget.  Annon  ergo  hoc  totum  verum  est  filii  Israel?  dicit  Dominus.  Primo  exprobrat  Deus  quod  suscitaverit  ex  filiis  ipsorum  prophetas.  Hoc  autem  insigne  documentum  fuit  amoris  Dei,  quod  dignatus  est  populum  suum  regere  per  prophetas,  quia  si  Deus  e  coelo  ipse  loquatur,  vel  angelos  huc  demittat,  hoc  quidem  in  speciem  erit  multo  excellentius:  sed  ubi  se  ita  de-