40:30  et  doctrinam  prophetae:  hoc  unum  est.  Quantum  vero  ad  ipsam  visionem  spectat,  quidam  per  quatuor  animalia  intelligunt  quatuor  tempora  anni,  et  existimant  hic  celebrari  Dei  potentiam  in  totius  mundi  gubernatione.  Sed  illud  est  nimis  remotum.  Quidam  volunt  repraesentari  quatuor  virtutes,  quia  in  homine  refulget  imago  iustitiae,  ut  dicunt:  in  aquila  vero  prudentiae,  in  leone  fortitudinis,  in  bove  temperantiae.  Sed  quamvis  hoc  fuerit  subtiliter  excogir  tatum,  nihil  tamen  habet  solidi.  Alii  in  contrariam  partem  accipiunt,  nempe  hic  designari  quatuor  passiones,  metum  et  spem,  tristitiam  et  laetitiam.  Alii  putant  notari  tres  animi  facultates.  Nam  in  animo  TO  Xoytxov  est  sedes  rationis,  ik>[u%ov  vero  est  pars  irascibilis,  ut  vocant,  era&opjTwtov  est  quod  vocant  concupiscibile,  addunt  auvxepeatv  in  quarto,  id  est  conscientiam.  Sed  argutiae  illae  etiam  sunt  pueriles.  Recepta  olim  opinio  fuit,  sub  hac  figura  depictos  fuisse  quatuor  evangelistas:  volunt  Matthaeum  conferri  homini,  quia  a  Christi  generatione  incipiat:  Marcum  vero  leoni,  quia  incipiat  a  praedicatione  Ioannis:  Lucam  volunt  similem  esse  bovi,  quia  initio  narret  de  sacerdotio:  Ioannem  vero  aquilae,  quia  penetret  usque  ad  coeli  arcana.  Sed  in  hoc  quoque  figmento  nihil  est  firmum:  quin  potius  illa  omnia  evanescunt  si  propius  excutiantur.  Alii  putant  describi  gloriam  Dei  in  ecclesia,  ideo  volunt  animalia  hic  sumi  pro  perfectis,  qui  iam  fecerunt  maiores  progressus  in  fide:  rotas  vero  pro  infirmis  et  rudibus.  Sed  postea  congerunt  multas  ineptias,  quas  utilius  est  prorsus  sepelire,  quam  sumere  multam  operam  in  ipsis  diluendis.  Illa  igitur  omnia  repudio.  Nunc  tamen  videndum  est  quid  sibi  voluerit  propheta.  Iam  dixi  consilium  Dei  fuisse,  quum  prophetae  mandata  daret,  simul  eum  ornasse,  ut  doctrina  eius  non  esset  contemptibilis.  Sed  specialis  ratio  quam  attigi  simul  consideranda  est,  nempe  Deum  breviter  hoc  symbolo  ostendisse  quorsum  prophetam  suum  mitteret.  Nam  visiones  similitudinem  ut  plurimum  habent  cum  doctrina.  Et  hac  ratione,  meo  iudicio,  dicit  Ezechiel  se  vidisse  aquilonarem  ventum.  Iam  populus  expertus  fuerat  Dei  vindictam,  quum  usus  esset  tam  Assyriis  quam  Babyloniis  ad  eius  castigationem.  Iechonias  sponte  migraverat  in  exsilium,  ut  vidimus:  putabant  tamen  Iudaei  sibi  fore  tranquillum  nidum  in  urbe  et  patria:  ac  ridebant  eorum  facilitatem  qui  tam  cito  exsulaverant.  Propheta  igitur  dicit  se  vidisse  ventum  procellosum  ab  aquilone.  Impetus  venti  aut  tempestas,  cuius  fit  mentio,  haud  dubie  referri  debet  ad  iudicium  Dei.  Voluit  ergo  incutere  Iudaeis  horrorem,  ne  ita  torperent  in  sua  securitate.  Postquam  vero  loquutus  est  de  procella  vel  tempestate,  subiicit  se  vidisse  quatuor  animalia,  et  quatuor  rotas  implicitas,  ut  significet  non  fortuito  motus  illos  exortos  esse,  sed  a  Deo  profectos.  Coniungi  ergo