38:30  potest  accipi  pro  obtrectatione,  sicuti  et  cap.  6  diximus  hoc  esse  nimis  frigidum.  Reperitur  quidem  alicubi  in  hoc  sensu,  Levit.  19  (v.  16):  Non  incedes  obtrectator  in  populo  tuo:  ubi  alii  vertunt  susurronem.  Sed  mihi  dubium  non  est  quin  propheta  hic  condemnet  fraudes  et  perversas  astutias  quibus  alii  alios  fallebant.  Nam  by}  significat  mercatorem,  et  quia  saepe  accidit,  ut  negotiatores  nimis  sint  vafri  et  exercitati  in  malis  artibus,  ideo  b^DI  Hebraei  vocant  hominem  fraudulentum  et  perverse  astutum,  qui  prorsus  ad  fallendum  tendit.  Et  hoc  loco  videmus  stare  hunc  sensum,  quod  scilicet  alii  alios  circumveniant.  Dixit  enim  propheta  stultos  esse,  qui  fratribus  confidant  aut  sociis:  rationem  adiungit,  quia  fratres  alii  alios  supplantant,  et  socii  incedunt  fraudulenter.  Sequitur,  5.  Et  vir  proximo  suo  (socio)  mentitur  (hoc  est,  quisque:  nam  i��"N  ponitur  indefinite  apud  Hebraeos  pro  nota  universali.  Quisque  ergo  proximum  suum  circumvenit,  nempe  mendacio:  nam  bi)r\  significat  mentiri)  et  veritatem  non  loquitur:  docuerunt  linguas  suas  loqui  mendacium  (hoc  est,  linguas  suas  formarunt  ad  mendacia),  male  agere  fatigati  sunt  (hoc  est,  male  agendo  fatigantur).  Prosequitur  eandem  sententiam  Ieremias:  dicit  adeo  periisse  ^  fidem  apud  Iudaeos,  ut  quisque  proximum  suum  fallere  conetur.  Hinc  sequitur  fuisse  omnis  pudoris  oblitos.  Nam  saltem  manet  aliqua  verecundia  in  hominibus,  ubi  negotium  est  cum  familiaribus  amicis.  Quamvis  enim  lucro  prorsus  sint  addicti,  et  mendaciis  indulgeant:  tamen  ubi  ventum  est  ad  socios,  retinent  aliquam  aequitatem,  et  pudor  saltem  cohibet  ipsorum  malitiam.  Ubi  autem  nullum  est  discrimen  inter  socios  et  alienos,  sequitur  belluinos  prorsus  esse  mores.  Hoc  significat  propheta:  et  addit  ipsos  non  loqui  veritatem.  Nunc  pronuntiat  mendaces  esse  non  in  uno  vel  altero  negotio,  sed  dicit  in  tota  vita  esse  perfidos,  et  fallaciter  semper  agere.  Non  debet  igitur  restringi  hoc  membrum  ad  certas  aliquas  et  speciales  fraudes,  sed  perinde  est  ac  si  diceret  ipsos  nescire  quid  sit  veritas,  vel  quid  sit  bona  fide  agere,  et  loqui  cum  proximis:  quoniam  scilicet  imbuti  sint  fallaciis,  nec  possit  exire  ulla  veritas  ab  eorum  ore.  Et  eodem  sensu  dicit  ipsos  docuisse  linguas  suas  loqui  mendacium.  Est  maior  expressio  in  his  verbis:  nam  intelligit  esse  industrios  ad  fallendum,  quia  longo  usu  linguas  suas  formaverint.  Lingua  debet  esse  character  mentis,  ut  veteri  proverbio  dictum  est.  Quorsum  enim  creata  est  lingua,  nisi  ut  quisque  cum  aliis  communicet?  nam  cogitationes  sunt  occultae:  prodeunt  autem  in  medium  ubi  loquimur  alii  cum  aliis.  Dicit  igitur  propheta  inversum  fuisse  ab  illis  naturae  ordinem,  quia  linguas