35:30  bons,  et  que  ceux  qui  n'ont  pas  provoque  son  ire,  il  ne  laissera  pas  neantmoins  de  se  monstrer  aspre  envers  eux,  et  d'exercer  une  grande  rigueur,  tellement  qu'il  semblera  qu'il  les  vueille  du  tout  abysmer.  Est-ce  a  dire  qu'on  les  doive  tenir  pour  meschans?  Nenni.  Voila  donc  un  argument  frivole,  combien  que  les  amis  de  Iob  s'y  soyent  fondez,  et  ayent  cuide  avoir  trouve  la  sagesse  en  ce  poinct:  si  est-ce,  di-ie,  que  c'a  este  une  chose  puerile.  Ainsi  donc  retenons  de  ce  passage  ce  que  nous  avons  touche  ci  dessus,  c'est  d'estre  prudens  quand  Dieu  afflige  les  hommes,  et  que  nous  ne  iugions  point  a  la  volee,  que  celui  qui  sera  batu  des  verges  de  Dieu  soit  a  condamner,  et  qu'on  doive  mesurer  les  pechez  par  les  afflictions:  car  de  faire  une  regle  generale  de  cela,  ce  seroit  proceder  temerairement  et  a  l'estourdie.  Quoi  donc?  Cognoissons  que  Dieu  a  diverses  raisons,  d'affliger  les  hommes.  Il  est  vrai  que  c'est  son  iugement  ordinaire,  que  de  punir  les  pechez:  mais  cependant  si  est-ce  que  quelquesfois  qu'il  voudra  esprouver  l'obeissance  des  bons,  et  de  ceux  qui  l'ont  servi,  et  ont  applique  leur  estude  a  suivre  ses  commandemens,  ceux-la  seront  traittez  en  plus  grande  rigueur,  que  non  pas  les  plus  meschans.  Et  pourquoi?  Car  Dieu  les  veut  enseigner  que  c'est  d'humilite  et  d'obeissance.  Puis  que  ceste  raison-la  y  est,  il  nous  faut  tenir  en  suspens,  quand  quelqu'un  sera  afflige  :  car  Dieu  veut  preserver  aussi  les  siens  de  quelque  tentation  qui  leur  envoyera.  Vrai  est  que  s'ils  l'ont  provoque  en  quelque  maniere  que  ce  soit,  il  remedie  a  un  tel  mal  en  les  affligeant.  Mais  iugerons-nous  la  dessus,  que  ceux  qui  sont  les  plus  mal  traittez  sont  les  plus  meschans?  Que  seroit-ce?  Ne  voit-on  pas  que  nous  procederions  tout  au  rebours  de  Dieu,  et  tout  a  l'opposite  de  son  intention  et  conseil?  Au  reste,  que  nous  appliquions  ceci  tant  a  nos  prochains  qu'a  nous-mesmes.  Si  donc  nous  voyons  des  gens  qui  soyent  tourmentez  de  beaucoup  de  maux,  regardons  a  leur  vie  en  premier  lieu,  et  ne  nous  hastons  pas  de  prononcer  sentence  sur  eux,  mais  regardons  comme  ils  ont  vescu.  Si  un  contempteur  de  Dieu,  un  homme  desbauche,  un  homme  addonne  a  des  vices  enormes  est  afflige  grandement,  que  nous  cognoissions,  Voila  Dieu  qui  nous  monstre  comme  en  peinture  que  c'est  de  sa  vengeance:  la  nous  avons  iuste  occasion  de  iuger.  Et  pourquoi?  La  chose  parle.  Quand  un  homme  aura  mesprise  Dieu,  et  qu'il  aura  este  desborde  en  toute  sa  vie,  et  que  nous  verrons  que  Dieu  l'afflige,  o  la  il  n'y  a  nulle  doute,  les  choses  ne  sont  pas  obscures  ne  difficiles.  Ainsi  donc  nostre  iugement  ne  sera  pas  trop  hastif,  quand  nous  y  procederons  ainsi.  Mais  au  contraire,  si  apres  nous  estre  enquis,  nous  ne  voyons  point  la  raison  pourquoi  Dieu  afflige  les  hommes  (comme