34:30  veut  point  ici  declarer  que  sa  vie  soit  du  tout  pure,  que  iamais  il  n'ait  commis  nul  crime:  mais  il  entend  que  Dieu  ne  le  punit  point  d'une  telle  rigueur,  comme  s'il  estoit  un  meschant,  et  qu'il  eust  mene  une  vie  plus  dissolue  que  les  autres.  Voila  en  somme  ce  que  nous  avons  a  retenir.  Mais  quant  a  nous,  cognoissons  que  si  Dieu  nous  afflige,  c'est  pour  nos  pechez:  et  encores  que  nous  eussions  tesmoignage  que  nous  avons  desir  de  le  servir  et  honorer,  voire  sans  hypocrisie,  neantmoins  qu'il  s'en  faut  beaucoup  que  nous  en  soyons  purs  comme  nous  devrions,  mais  qu'on  nous  trouvera  redevables  en  cent  mille  sortes.  Qu'un  chacun  donc  regarde  a,  soy  de  pres:  et  quand  nous  aurons  cognu  nos  fautes,  que  nous  sachions  que  Dieu  en  cognoit  cent  fois  plus  que  nous.  Car  si  nous  en  cognoissons  quelques  unes,  Dieu  n'a-il  point  une  veue  plus  aigue,  comme  dit  S.  Iean  en  sa  canonique  (1.  Iean  3,  20)?  Ainsi  donc  apprenons  de  nous  humilier,  et  demandons  a,  Dieu,  qu'il  lui  plaise  de  cacher  nos  fautes.  Car  il  nous  faut  revenir  a  ce  qui  est  dit  au  Pseaume  trentedeuxieme  (v.  1):  Bien-heureux  est  l'homme  duquel  le  Seigneur  a  cache  les  pechez,  et  auquel  il  ne  ramentoit  point  les  iniquitez.  Si  Dieu  descouvre  nos  vices,  il  faut  que  nous  perissions  tous,  ie  di  les  plus  parfaits.  Yoici  donc  le  seul  refuge  de  nostre  salut,  c'est  que  nous  prions  Dieu  qu'il  cache  toutes  nos  transgressions,  et  qu'elles  ne  vienent  point  en  conte  devant  lui:  car  cependant  qu'il  les  voudra  iuger,  il  faut  que  l'enfer  nous  soit  appreste,  et  n'y  a  autre  remede.  Et  au  reste,  que  nous  demandions  a  Dieu  que  nos  cris  soyent  exaucez  de  luy,  combien  qu'ils  n'en  soyent  pas  dignes:  car  si  Dieu  attend  de  nous  accorder  nos  requestes,  iusques  a  ce  que  nous  l'ayons  servi  en  toute  perfection,  helas!  que  sera-ce?  Car  il  n'y  a  celui  qui  ne  se  soit  ferme  la  porte  pour  n'avoir  nul  accez  a  Dieu.  Il  faut  donc  que  nos  cris  soyent  receus,  combien  que  nous  ayons  desservi  d'estre  reiettez.  Mais  tant  y  a  que  si  devons-nous  mettre  peine  d'estre  paisibles  envers  nos  prochains  pour  avoir  Dieu  propice,  et  le  trouver  tel  envers  nous  comme  nous  desirons.  Pourquoy?  Il  est  escrit,  Iugement  sans  misericorde  a  celui  qui  n'a  point  fait  misericorde.  Voila  S.  Iaques  qui  declare  (2,  13),  que  Dieu  nous  traittera  en  rigueur,  si  nous  n'avons  pitie  et  compassion  de  nos  prochains  auiourd'huy.  Ou  est  la  chose  la  plus  espouvantable  qui  nous  puisse  advenir,  sinon  quand  Dieu  nous  traitte  en  sa  rigueur?  Et  au  contraire,  ou  est  l'esperance  que  nous  pouvons  concevoir,  sinon  que  Dieu  use  de  sa  bonte  infinie,  laquelle  il  declare,  ne  nous  imputant  point  nos  pechez?  Et  puis  Salomon  dit  (Prov.  21,  13),  Celui  qui  estoupe  son  aureille  au  cry  du  povre,  il  criera  a  son  tour,  et  ne  sera  point  exauce.  Quand  donc