31:30  ie  sus  neantmoins  contraint,  pour  rompre  et  appaiser  des  combats  a  la  mort,  de  mettre  en  danger  ma  vie,  et  me  ietter  tout  a  travers  des  coups.  Puis  apres  per  l'espace  de  cinq  ans,  que  des  meschans  garnemens  s'estoyent  faits  par  trop  grans,  et  avoyent  credit,  et  que  mesme  une  partie  du  commun  peuple  gastee  par  les  allechemens  et  propos  mal-heureux  de  telles  gens,  appotoit  une  licence  desbordee,  il  falut  combatre  sans  cesse  pour  tenir  bon  et  maintenir  la  discipline  de  l'Eglise.  Car  ces  gens  profanes  et  contempteurs  de  la  doctrine  celeste  ne  se  soucioyent  pas  si  l'Eglise  alloit  en  ruine,  pourveu  qu'ils  peussent  parvenir  a  avoir  la  puissance  qu'ils  demandoyent,  afin  de  faire  du  tout  a  leur  plaisir.  Il  y  en  avoit  aussi  plusieurs  que  la  povrete  et  la  faim  poursuyvoit,  les  autres  estoyent  poussez  d'une  ambition  insatiable,  ou  d'avarice  et  cupidite  de  gain  deshonneste:  et  tous  ceux-la  estoyent  tellement  enragez,  qu'ils  aimoyent  encore  mieux  se  ruiner  en  nous  ruinant,  que  se  tenir  quoys  en  vivant  paisiblement  et  honnestement.  Tout  ce  temps-la  qui  a  este  long,  ie  pense  qu'ils  n'ont  rien  omis  de  tout  ce  qui  se  peut  forger  en  la  boutique  de  Satan  pour  parvenir  a  leur  but.  Et  a  la  parfin  l'issue  de  leurs  machinations  mandites  n'a  peu  estre  autre  que  par  un  esclandre  ignominieux  sur  leurs  testes,  lequel  aussi  m'a  este  un  spectacle  ennuyeux  et  pitoyable.  Car  combien  qu'ils  fussent  bien  dignes  de  grans  tormens,  toutesfois  ie  desiroye  tousiours  qu'ils  peussent  prosperer  et  demeurer  a  leur  aise:  ce  qui  fust  advenu,  sinon  qu'ils  eussent  este  tousiours  incorrigibles  et  rebelles  a  tous  bons  advertissemens.  Or  ia  soit  que  l'examen  de  ces  cinq  ans  m'ait  este  bien  fascheux  et  dur  a  porter,  ie  ne  sens  pas  moins  de  fascherie  de  la  malignite  de  ceux  qui  ne  cessent  d'abbayer  contre  moy  et  mon  ministere  par  leurs  calomnies  envenimees.  Car  combien  qu'une  grande  partie  d'iceux  soit  tellement  aveuglee  d'une  cupidite  de  mesdire  et  detracter,  qu'a  leur  grand  deshonneur  ils  monstrent  incontinent  leur  impudence  :  les  autres,  quelques  fins  et  rusez  qu'ils  soyent,  ne  se  peuvent  pas  tellement  couvrir  ou  desguiser,  qu'ils  ne  demeurent  honteusement  convaincus,  toutesfois  quand  un  homme  se  sera  purge  cent  fois  d'un  blasme,  et  qu'on  viene  recharger  sur  luy  sans  cause  ni  occasion  quelconque,  c'est  une  vilenie  outrageuse  et  bien  dure  a  porter.  Pource  que  i'  afferme  et  maintien  que  le  monde  est  conduit  et  gouverne  par  une  providence  de  Dieu  secrete,  un  tas  de  gens  arrogans  s'eslevent,  gazouillans  qu'a  ce  conte  Dieu  seroit  autheur  de  peche.  C'est  une  calomnie  frivole,  et  qui  d'elle-mesme  aiseement  s'esvanouiroit,  sinon  qu'elle  rencontrast  gens  .qui  ont  les  aureilles  chatouilleuses,  et  prement  plaisir  a  humer  tels  propos.  Mais  il  y  en  a  plusieurs  desquels  les  coeurs  sont  tellement  preoccupez  d'envie  et  despit,  ou  d'ingrati-