25:30  vitiis  suis  renunciant.  Alludit  autem  ad  sacrificia,  et  ablutiones  legales,  quibus  se  Deo  reconciliabant.  Summa  est,  ubi  serio  in  gratiam  cum  Deo  redire  studebunt,  fore  illis  propitium  ratione  pacti  sui.  43.  Terra  interim  deseretur.  Exsilii  poenam  rursus  inculcat,  quae  erat  veluti  exhaeredatio:  simulque  repetit  non  aliter  posse  restitui  cultum  Dei  in  terra  sancta,  quam  ubi  eorum  inquinamentis  purgata  fuerit:  continuo  tamen  post  asperitatem  mitigat,  quia  ubi  maxime  in  eos  saevire  visus  fuerit,  non  tamen  prorsus  eos  reiiciet  :  Utitur  autem  verbis  praeteriti  temporis,  quamvis  in  futurum  respiciat:  quasi  diceret:  Sentient  tunc  quoque  se  non  fuisse  abiectos.  Ergo  quasi  porrecta  manu  eos  ad  fiduciam  erigit  in  rebus  deploratis,  ac  iubet  extremis  malis  afflictos,  in  foedus  suum  nihilominus  recumbere.  In  quo  refulget  mira  et  inaestimabilis  eius  bonitas,  dum  alienatos  in  peculio  suo  retinet:  sicut  dicitur  apud  Oseam  (2,  23)  :  Vocabo  non  populum,  populum  meum.  Quod  autem  promittit  se  foederis  sui  memorem  fore  propter  eos,  non  intelligit  eorum  merito,  vel  quod  sibi  favorem  acquisierint,  sed  in  eorum  gratiam  vel  salutem,  ut  foederis  memoria  ad  eos  usque  se  extendat.  Redemptio  quoque  additur  tanquam  foederis  confirmatio:  ac  si  diceret  eo  se  magis  fore  propensum  ad  ignoscendum:  quia  non  modo  in  fide  promissionum  suarum  constanter  perseverat,  sed  quoniam  sua  erga  eos  beneficia  tueri  velit,  et  ad  finem  usque  perducere.  Ita  videmus  ut  misericordiae  causam  nonnisi  a  se  ipso  sumat.  EX  DEUT.  XXVIII.  15.  Et  erit,  si  non  obedieris  voci  Iehovae  Dei  tui,  ut  custodias  faciendo  omnia  praecepta  eius,  et  statuta  eius  quae  ego  praecipio  tibi  hodie,  venient  super  te  omnes  maledictiones  istae,  et  apprehendent  te.  16.  Maledictus  eris  in  urbe,  et  maledictus  in  agro.  17.  Maledictum  canistrum  tuum,  et  conspersio  tua1).  18.  Maledictus  fructus  ventris  tui,  et  fructus  terrae  tuae,  foetus  boum  tuorum,  et  greges  ovium  tuarum.  19.  Maledictus  eris  in  ingressu,  et  maledictus  in  egressu.  20.  Mittet  Iehova  in  te  maledictionem,  contritionem,  et  perditionem2)  in  omnibus  ad  quae  applicueris  manum  tuam,  et  feceris  :  donec  delearis,  et  pereas  velociter,  propter  malitiam  operum  tuorum  quibus  dereliquisti  me.  21.  Adhaerere  faciet  Iehova  tibi  pestilentiam,  donec  consumat  te  de  terra  ad  quam  tu  ingrederis  ut  possideas  eam.  22.  Percutiet  te  Iehova  phthisi,  et  febre,  et  ardore,  et  aestu,  et  gladio,  et  ariditate,  et  rubigine  :  1)  Gallice:  ta  boulengerie3  et  in  margine:  ou,  ta  paste.  2)  In  margine:  Vel  tumultum  et  increpationem.