24:30  sentat  nobis  Deus,  ac  si  extenta  e  coelis  manu  gradus  servi  sui  regeret.  Quotidie  ad  puteum  ventitabant  puellae  illae  :  et  Moses  quaerendi  hospitii  causa  prope  aquam  substitit:  ad  quam  probabile  erat  concursum  incolarum  vesperi  fore  in  regione  arida.  Quod  tamen  opportune  adest  puellis  ad  ferendas  suppetias,  et  Iethro  eum  hospitaliter  invitat,  minime  fortuitum  est:  sed  erranti  servo  suo  dux  itineris  fuit  Deus,  ut  non  diurnum  modo  hospitium,  sed  ad  finem  exsilii  usque  tolerabilem  habitationem  pararet.  Nam  Iethro  (quem  ex  epitheto  constat  non  vulgari  apud  suos  dignitate  praeditum)  non  modo  eius  operam  conduxit,  sed  elegit  sibi  generum.  Et  quanquam  sordidum  erat  munus  pastorale,  splendida  tamen  affinitas  non  parvo  solatio  fuit.  De  voce  ]ro  non  convenit  inter  omnes.  Chaldaeus  paraphrastes  male  vertit  principem:  quia  non  quadraret  eius  filiabus  molestos  et  infestos  fuisse  loci  pastores.  Nec  magis  consentaneum  est,  virum  primarium  et  opulentum  caruisse  famulis,  ut  filias  suas  cogeretur  quotidianis  pastorum  contumeliis  et  rixis  exponere.  Sacrificum  ergo  fuisse  existimo,  quae  etiam  receptior  est  sententia.  Dubitatur  tamen,  falsosne  deos,  an  verum  et  unicum  coluerit.  Certe  probabiles  multae  rationes  ad  hanc  coniecturam  nos  adducunt,  non  sacrificasse  idolis:  quia  vix  unquam  persuasus  fuisset  Moses,  non  modo  ut  habitaret  in  domo  foedis  sacrilegiis  polluta,  sed  etiam  ut  affinitatem  contraheret.  Et  postea  in  Iethro  ipsius  sermone  multa  pietatis  indicia  se  ostendent.  Quanquam  ut  totus  fere  orbis  tunc  ad  multas  corruptelas  prolapsus  erat,  mihi  verisimile  est  vitiatum  aliqua  ex  parte  sacerdotium  eius  fuisse.  Unicus  tempore  Abrahae  Dei  vivi  sacerdos  fuit  Melchisedech.  Abraham  ipse  ex  profundo  idololatriae  gurgite,  in  quo  demersa  erat  familia,  extractus  fuit.  Vix  itaque  fieri  potuit  ut  Madianitae  purum  cultum  retinuerint:  atque  adeo  ex  aliis  locis  liquet  idolis  fuisse  deditos.  Quare  omnibus  probe  expensis,  mihi  nihil  magis  probabile  occurrit  quam  sub  sacerdotio  Iethro  cultum  fuisse  unicum  Deum  ut  regula  tradita  fuerat  per  manus,  non  tamen  pure:  quia  tunc  ubique  contaminata  erat  religio  variis  superstitionibus.  Est  autem  discrimen  aliquod  inter  idololatriam  et  impurum  Dei  cultum  ac  degenerem  in  una  parte.  Dico  igitur  unius  Dei  fuisse  cultores,  quia  non  prorsus  desciverant  a  principiis  religionis,  quamvis  ex  errorum  qui  paulatim  obrepserant  lacunis  nonnihil  hausissent.  Agitatur  inter  interpretes  de  nomine  Iethro  alia  quaestio.  Qui  putant  Bethuel  l)  diversum  fuisse  a  Iethro,  nullo  negotio  refelluntur.  Nam  proximo  capite  Mosen  de  eodem  homine  loqui,  sub  vario  licet  nomine,  clare  apparet.  1)  Sic  ead.  latinae  hic  et  deinceps  omnes.  Gallica  versio  bene:  Raguel.