23:30  dam  vitam  nihil  deesset.  Refert  enim  Moses  quam  beneficus  erga  eos  fuerit  Dominus,  omnia  quae  optare  possent  illis  largiendo  ut  minus  excusationis  ingratitudo  habeat.  31.  Et  vidit  Deus  omnia.  Rursum  in  clausula  creationis  refert  Moses  Deum  approbasse  quidquid  fecerat.  De  aspectu  Dei  loquitur  humano  more,  nam  et  hoc  suum  iudicium  Dominus  quasi  regulam  et  exemplar  nobis  esse  voluit:  ne  aliter  de  suis  operibus  sentire  vel  loqui  quisquam  audeat.  Neque  enim  quod  probavit,  fas  nobis  est  disputare,  probarine  debeat:  sed  potius  absque  controversia  subscribere  convenit.  Repetitio  etiam  denotat  quam  lasciva  sit  hominum  temeritas:  alioqui  satis  fuisset  semel  dici,  Deo  placuisse  sua  opera.  Sed  Deus  sexies  idem  inculcat,  ut  quasi  totidem  fraenis  cohibeat  nostram  audaciam,  quae  prurire  non  desinit.  Caeterum  plus  exprimit  Moses  quam  antea:  addit  enim  M  E  O  D,  id  est  valde.  In  singulis  diebus  fuit  simplex  approbatio.  Nunc  postquam  numeris  omnibus  absolutum  est  opificium  mundi,  et  extrema  (ut  ita  loquar)  manu  expolitum,  perfecte  bonum  esse  pronunciat:  ut  sciamus  inesse  in  operum  Dei  symmetria  summam  perfectionem,  cui  nihil  addi  queat.  CAPUT  II.  1.  Perfecti  fuerunt  igitur  coeli  et  terra,  et  omnis  exercitus  eorum.  2.  Perfeceratque  Deus  die  septimo  opus  suum  quod  fecerat,  et  quievit  die  septimo  ab  omni  opere  suo  quod  fecerat  3.  Benedixit  autem  diei  septimo,  et  sanctificavit  illum:  quod  in  illo  quievisset  ab  omni  opere  suo  quod  creaverat  Deus  ut  faceret.  4.  Istae  sunt  generationes  coeli  et  terrae,  quando  creati  sunt,  in  die  qua  fecit  Iehova  Deus  terram  et  coelos.  5.  Et  omne  virgultum  agri  antequam  esset  in  terra,  et  omnem  herbam  agri  antequam  germinaret:  quia  nondum  pluere  fecerat  Iehova  Deus  super  terram,  et  homo  non  erat  qui  coleret  terram:  6.  Sed  vapor  ascendebat  e  terra,  et  irrigabat  universam  superficiem  terrae.  7.  Formaverat  autem  Iehova  Deus  hominem  e  pulvere  terrae,  et  inspiraverat  in  faciem  eius  spiraculum  vitae,  et  fuit  homo  in  animam  viventem.  8.  Plantaverat  quoque  Iehova  Deus  hortum  in  Heden  ab  Oriente:  et  posuit  ibi  hominem  quem  formaverat.  9.  Et  germinare  fecerat  Iehova  Deus  e  terra  omnem  arborem  concupiscibilem  visu,  et  bonam  ad  vescendum:  et  arborem  vitae  in  medio  horti,  et  arborem  scientiae  boni  et  mali.  10.  Et  fluvius  egrediebatur  ex  Heden  ad  irrigandum  hortum:  et  inde  dividebatur,  eratque  in  quatuor  capita,  l  l  .  Nomen  unius,  Pison:  ipse  circuit  totam  terram  Havila,  ubi  est  aurum.  12.  Et  aurum  terrae  illius  bonum:  ibi  est  bdellium,  et  lapis  onychinus.  13.  Nomen  vero  fluvii  secundi  Gihon: