21:30  30  c'est  celuy  mesmes  qui  a  este  mon  fidele  precepteur  et  gouverneur  de  toute  ma  ieunesse  [page  19]  dont  ie  loueray  Dieu  toute  ma  vie.  Ce  bon  personnage  voyant  que  Calvin  avoit  faute  des  lettres  Grecques  fit  tant  qu'il  s'appliqua  a  les  apprendre,  a  quoy  aussi  il  luy  servit  beaucoup,  comme  luy-mesme  en  a  rendu  tesmoignage  en  luy  dediant  ses  commentaires  sur  la  seconde  epistre  de  S.  Paul  aux  Corinthiens,  et  luy  faisant  ceste  recognoissance  de  l'appeler  son  maistre  et  enseigneur.  Sur  ces  entrefaites  son  pere  va  mourir  qui  fut  cause  qu'abandonnant  ses  etudes  de  loix  il  retourna  a  Noyon  et  depuis  a  Paris:  la  ou  nonobstant  sa  ieunesse  il  ne  fut  gueres  sans  estre  cognu  et  honore  de  tous  ceux  qui  avoyent  quelque  sentiment  de  verite.  Luy  de  sa  part,  prenant  des  lors  resolution  de  se  dedier  du  tout  a  Dieu,  travailloit  avec  grand  fruict,  tellement  qu'estant  advenue  esmeute  a  Paris,  du  temps  d'un  Recteur  nomme  monsieur  Copus,  il  fut  envoye  en  Cour  pourchasser  quelque  provision:  la  ou  il  fut  cognu  et  tresbien  recueilli  de  ceux  qui  avoyent  quelque  droite  affection  et  iugement  en  ces  affaires.  En  fin  voyant  le  povre  estat  du  royaume  de  France  il  delibera  de  s'en  absenter  pour  vivre  plus  paisiblement  et  selon  sa  conscience.  Il  partit  donques  de  France  l'an  1534  et  ceste  mesme  annee  fit  [page  20]  imprimer  a  Basle  sa  premiere  Institution  comme  un  Apologetique  addresse  au  feu  Roy  Francois  premier  de  ce  nom  pour  les  povres  fideles  persecutez,  ausquels  a  tort  on  imposoit  le  nom  d'Anabaptistes,  pour  s'excuser  envers  les  princes  Protestans  des  persecutions  qu'on  leur  faisoit.  Il  fit  aussi  un  voyage  en  Italie  ou  il  vid  Madame  la  Duchesse  de  Ferrare  encores  aujourd'huy  vivante,  graces  a  Dieu:  laquelle  l'ayant  veu  et  ouy  des  lors  iugea  ce  qui  en  estoit  et  tousiours  depuis  iusques  a  sa  mort  l'a  aime  et  honore  comme  un  excellent  organe  du  Seigneur.  A  son  retour  d'Italie,  laquelle  il  ne  fit  que  voir,  il  passa  a  la  bonne  heure  par  ceste  ville  de  Geneve,  qui  peu  de  temps  auparavant  avoit  receu  l'Evangile  par  la  predication  de  maistre  Guillaume  Farel:  et  ne  pretendoit  rien  moins  que  d'y  faire  sa  demeure  :  mais  seulement  d'y  passer  pour  tirer  a  Basle,  et  peut  estre  a  Strasbourg.  Mais  le  Seigneur,  voulant  des  lors  se  preparer  chemin  a  tant  de  bien  qu'il  vouloit  departir  a  son  Eglise  par  le  moyen  d'iceluy,  mit  au  coeur  dudit  Farel  de  le  retenir,  ce  qu'il  luy  fut  tres-difficile:  tellement  qu'apres  les  prieres  il  en  falut  venir  iusques  aux  adiurations.  Adonc  il  accorda  de  demeurer  non  pas  pour  prescher  [page  21]  mais  pour  lire  en  Theologie:  et  advint  tout  ceci  l'an  1536  au  commencement  de  Septembre.  Estant  ainsi  declare  docteur  en  ceste  Eglise  avec  legitime  election  et  approbation,  il  dressa  un  bref  formulaire  de  Confession  et  discipline  pour  donner