19:30  Hodie  literas  tuas  *)  accepi,  die  scilicet  nostro,  uberrimas  et  peraeque  suaves.  Unde  cognosces  in  dolore  articulari  adhuc  me  delitiis  vacare.2)  Non  semper  tantum  otii  fuit:  toto  enim  biduo  passus  sum  acerrimos  cruciatus  in  pede  dextra  Coepit  morbus  mitigari  quidem  nudius  tertius  :  sed  non  ita  remisit,  quin  pedem  teneat  devinctum.  Atque  ut  scias  me  nihil  fingere,  odor  olei  mihi  prope  est  amabilis,  quamvis  saepe  nauseam  citet.  Ita  non  est  cur  aulicis  tuis  lautitiis  invideam  bene  et  pinguiter  unctus.  Crede  mihi,  iocando  non  ita  me  obiecto,  ut  tibi  abstergere  cupio  omnem  molestiam:  ne  si  forte  obscurus  rumor  ad  te  aliunde  perveniat  anxietatem  aliquam  concipias.  Video  enim,  nisi  te  mirabiliter  sustineret  Deus,  non  esse  tibi  vigorem  decimae  parti  ferendae.  Tu  post  dimidiam  noctem  mihi  respondes.  Ego  ex  lecto  post  horam  septimam,  dum  commode  licet.  Ita  providi  sunt  senes  podagrici.  Sed  extra  iocum:  nullis  verbis  exprimere  queo,  quam  mihi  iucundae  fuerint  tuae  literae,  quibus  in  rem  praesentem  sum  adductus.  Quae  etsi  non  omni  ex  parte  arridet,  plus  tamen  laetitiae  continet,  quam  indignationis  aut  fastidii.  Ter  et  quater  benedictus  sit  Deus  noster,  qui  nos  videtur  supra  nubes  attollere,  ut  amplexi  Christi  triumphantis  pedes  ex  alto  despiciamus  omnes  eius  hostes  ac  nostros.  Non  habeo  quam  tibi  mercedem  referam,  ne  si  aere  quidem  loco  auri  contentus  esses.  Porro  ut  intelligas,  dum  vos  in  aestu  et  arena  serio  certatis,  me  hic  in  umbra  velitari,  mitto  quod  Balduini  libello  respondi.8)  Cave  ne  improbes:  quia  dicam  eiusdem  te  esse  factionis,  si  cum  eo  sentias  cui  maxime  displicebit.  Merlinus  operam  non  perdidit  scribendo,4)  quamvis  paria  cum  eo  non  faciam:  quia  debitorem  habet  qui  aufugere  non  potest.  Fratres  nostri  te  et  reliquos  plurimum  salutant.  Valete  iterum  atque  iterum  omnes.  Nonis  Octobris  1561.  Calvinus  tuus.  3655.1)  N.  3535.  2)  Depuis  la  fievre  quarte  de  1559  il  resta  tellement  debilite  que  iamais  depuis  il  n'a  peu  revenir  en  pleine  sante.  Tousiours  depuis  il  traina  la  iambe  droite  qui  par  intervalles  luy  faisoit  douleurs.  (Colladon  p.  88;  cf.  ib.  100.  Beza  in  praef,  ad  Iosuam  p.  44.)  Vita  ed,  Nickel  p.  25;  Quartana  ipsum  deserente  successerunt  in  dextro  crure  podagra,  colici  subinde  recurrentes  dolores.  3)  Cf.  N.  3542.  Opp.  Vol.  I  X  Froii.  43.  Balduinum  quidem  autorem  suspicatus  est,  revera  Cassander  fuit  (N,  3513).  4)  cuius  tamen  pleraeque  epp.  deperditae  sunt  3)  pres  de  Fenestrelle.