15:30  quam  absque  doctore?  Quis  vero  doctor  esse  poterit  ad  hanc  doctrinam  idoneus  nisi  a  Deo  missus?  Idcirco,  ut  spiritus  sancti  consilio  et  auspiciis  Paulus  ad  gentes  missus  est,  ita  aliquando  quo  proficisci  statuerat  ab  eodem  prohibitus  est.  Itaque  dubium  non  est  quin  Deus  palam  testetur  se  maiore  prosequi  benevolentia  illos  quos  luce  dignatur  evangelici  ministerii  quam  quibus  hanc  lucem  non  ofiert.  Hoc  uno  igitur  iam  distinguuntur  exterae  gentes  omnes  ab  illo  populo  qui  Dei  esse  censetur.  Hinc  illud  est:  Non  fecit  hunc  in  modum  ulli  nationi  nec  iudicia  sua  manifestavit  eis.  Item:  Notus  in  Iudaea  Deus.  Et  caetera  eiusmodi  quae  Moses  et  Paulus  praedicant  de  Iudaeorum  praerogativis��  Interea  tamen  iis  qui  hoc  non  afficiuntur  beneficio  nulla  relinquitur  iusta  querendi  causa  de  Dei  iudiciis,  si  alios  quosdam  hac  in  parte  ipsis  praefert.  Nam  ne  hos  quidem  sui  relinquit  testimonii  expertes,  ipsos  erudiens  quum  naturae  lege  tum  publico  magnae  huius  universitatis  libro  et  magno  volumine,  cuius  characteres  sunt  relucentis  et  expressae  Dei  imaginis  simulacra,  quaecunque  ab  eo  condita  sub  sensus  humanos  cadunt.  Ergo  ex  his  quae  hactenus  dicta  sunt  iam  tres  modos  colligere  possumus  quibus  se  Deus  hominibus  patefacere  solet,  quorum  quisque  habet  proprium  librum  quo  nobis  et  Dei  imaginem  oculis  subiiciat  et  de  eius  voluntate  testificetur.  Primus  intestinus  est,  cuius  characteres  naturae  lege  mentibus  humanis  insculpti  sunt.  Hic,  ut  omnibus  communis  est,  ita  solus  sufficit  ad  reas  peragendas  sine  ulla  responsatione  et  tergiversatione  coram  Dei  tribunali  omnium  conscientias.  Secundus  est  externus  ille  et  aspectabilis  de  quo  modo  meminimus  et  de  quo  divinus  psaltes  primo  loco  Ps.  xix  concionatur.  Hic  rursus  omnibus  communis  est.  At  neuter  horum  abunde  suppeditat  quae  ad  veram  Dei  notitiam  et  salutem  consequendam  aunt  necessaria.  Etenim  ut  lex  naturae  magna  ex  parte  obliterata  est  et  mutila,  ita  caecioribus  sunt  homines  oculis,  et  sensibus  hebetioribus  ac  stupidiores,  quam  ut  cernere  quod  vident,  et  quod  sentiunt  ac  palpant  cognoscere  et  intelligere  valeant.  Quam  ob  rem  Paulus  nil  dubitavit  gentes  alienas  ab  Israelis  republica,  necdum  cooptatas  in  Dei  familiam  evangelii  beneficio,  excludere  a  Dei  foedere  ac  promissis,  et  a&eovc,  sine  Deo,  appellare,  nihil  moratus  philosophiae  studia  quibus  quaedam  institutae  fuerunt.  Quis  autem  iure  Deum  arguat  iniustitiae  quod  Iudaeam  gentem  prae  caeteris  amplioribus  cumulaverit  beneficiis?  Haec  enim  praeter  illos  duos  libros  modo  commemoratos  tertium  illum  accepit^  de  quo,  psalmo  paulo  ante  citato,  secundo  loco  menud-