11:30  Isti  boni  viri  Galli  sunt  honestis  familiis  nati,  quos  ad  hanc  profectionem  suscipiendam  curiositas  non  improba  vos  regionemque  istam  visendi  impulit.  Eos  igitur  qua  soles  humanitate  quaeso  excipias.  214.  CALVINUS  FARELLO.  Anxie  et  cupide  literas  exspectat  quae  ipsum  de  rebus  Genevae  gestis  certiorem  faciant,  etsi  de  spe  reditus  minime  sibi  gratulantem.  De  coniugio  adhuc  suspensus  est.  Turbae  iuvenum  Gallorum  Argentorati.  Leonis  Ludae  epistola  nupera.  Caesaris  et  utriusque  Regis  varia  molimina  et  machinationes.  (Epp.  et  Eesp.  ed.  1576  p.  413,  Chouet.  p.  576,  Amst.  p.  259.  In  caeteris  non  exstat.  Versio  anglica  Tom.  I.  p.  151.)  S.  Iam  frustra  tam  diu  literas  tuas  exspectavi,  ut  dubitem  an  debeam  amplius  exspectare.  Sustinet  tamen  adhuc  spem  meam  illarum  desiderium:  ac  paucos  etiamnum  dies  sustinebit.  Verum  si  quando  sperare  desiero,  senties  quam  indigne  tulerim  hanc  frustrationem.  Ac  eo  minus  ferenda  est  tua  negligentia,  quod  tam  copiosum  scribendi  argumentum  praebet  tibi  Geneva  hoc  tempore.  *)  Tametsi  enim  mihi  scripsit  Talearis,  non  tamen  assequor  ad  liquidum  ex  eius  verbis,  qualem  habuerit  catastrophen  illa  fabula.  Michael  etiam  typographus  mihi  Blechereti2)  verbis  indicavit,  reditum  illuc  mihi  posse  confici.  Sed  centum  potius  aliae  mortes  quam  illa  crux:  in  qua  millies  quotidie  pereundum  esset.  Tecum  hoc  obiter  communicare  volui,  ut  pro  virili  occurras  eorum  consiliis,  qui  me  illuc  retrahere  tentabunt.  Atque  ut  ne  contra  rationem  tendere  videar,  consilium  meum  tibi  exponam  si  quando  petieris.  De  coniugio  adhuc  suspensi  sumus:  quod  ideo  me  male  habet,  quia  instant  propinqui  nobilis  illius  puellae,  ut  eam  mihi  sumam.  Quod  nunquam  facturus  sum,  nisi  Dominus  mentem  penitus  mihi  abstulerit.  Quia  tamen  molestum  est  recusare,  praesertim  talibus  qui  sua  benevolentia  me  obruunt,  cupio  vehementer  me  hac  difficultate  liberatum.  Brevi  tamen  hoc  futurum  speramus.  His  diebus  sed  ex  epist,  ipsa  f.  25.  26.  desumpta,  ubi  a  Calvino  ipso  addita  sunt.  Annum  scriptae  epistolae  1540  esse,  non  vero  1539,  vel  ex  primo  versu  elicias,  item  ex  N.  211.  214.  1)  De  magna  illa  conversione  rerum  m.  Febr.  Genevae  facta  v,  Kampsch.  p.  361  seqq  2)  at  Blecheret.  {Angi)