10.2:30  quisque  erat  clamosissimus  et  stolido  furore  praeditus  quem  illi  zelum  vocant,  quo  nunquam  arsit  Helias  qui  tamen  zelo  zelabatur  super  domum  Dei.16)  19  bis.  CONCIO  ACADEMICA  NOMINE  KECTOEIS  UNIVERSITATIS  PARISIENSIS  NICOLAI  COPI  SCRIPTA  ET  RECITATA  CAL.  NOV.  MDXXXIII.  (Huius  concionis  fragmentum  ex  autographo  Genevensi  edidimus  Opp.  T.  IX.  p.  873  seqq.  coll.  Prolegg.  p.  LXXIII.  Iam  integram  nuperrime  reperimus  coaeva  manu  descriptam  in  Codice  Archivorum  ecclesiasticorum  ad  S.  Thomae  Argentoratensis,  signato  Varia  ad  hist.  reform.  Vol.  IX.  fol.  334  seqq.  Quam  igitur  ne  diutius  lateat  hoc  loco  inserimus,  et  quidem  ita  ut  in  hoc  codice  legitur  multam  lectionis  varietatem  praebente,  sed  typis  cursivis  hanc  notantes,  lacunas  asteriscis.  Inscriptio  simpliciter  refert  :  In  illud  Matth.  V.  Beati  pauperes  spiritu,  cui  alia  manus  superscripsit  :  Est  concio  nescio  cuius.)  Magna  quaedam  res  est  ac  longe  praestantior  quam  dici  aut  animo  et  cogitatione  comprehendi  possit,  christiana  philosophia.  Uni  haec  homini  a  Christo  divinitus  data  est,  quae  veram  et  certissimam  felicitatem  explicaret.  Hac  una  nos  esse  Dei  filios  intelligimus  et  credimus:  haec  suo  splendore  et  praestantia  universam  mundi  sapientiam  obscuravit.  Hac  qui  excellunt  tantum  prope  reliquae  hominum  multitudini  praestare  mihi  videntur,  quantum  homines  beluis  antecellunt.  Nimirum  quum  ii  maiora  longe  et  praestantiora  quam  reliqui  animo  complectantur.  Admirabile  enim  et  sanctum  genus  illud  philosophiae  esse  oportet,  quod  ut  hominibus  traderet  Deus  homo  fieri  voluit,  quum  immortalis  esset,  mortalis.  Vere  profecto  hoc  mihi  videor  esse  dicturus,  nulla  re  magis  amorem  Dei  erga  nos  innotescere  *  quam  quod  verbum  suum  nobis  reliquerit.  Quae  enim  aut  proprior  aut  certior  cognatio  esse  potuerit?  Quod  si  caeteras  artes  et  disserendi  rationem,  naturae  scientiam,  atque  eam  quae  de  moribus  est  propter  utilitatem  et  laudamus  et  miramur,  quae  potest  cum  hoc  genere  philosophiae  conferri,  quod  voluntatem  Dei  omnibus  philosophis  diu  quaesitam,  nunquam  inventam  exponit?  quod  sola  Dei  gratia  peccata  remittit?  spiritum  sanctum,  qui  corda  omnium  sanctificat  et  vitam  aeternam  adfert,  omnibus  Christianis  pollicetur?  Hoc  studium  qui  non  laudaverit,  haud  sane  scio  quid  laudandum  16)  Epistolam  versus  finem  Octobris  1533  scriptam  esse  patet,  ex  mentione  rectoris  Copi  (  Vide  T.  IX.  prolegg.  p.  73),  ex  epistola  Sturmii  supra  laudata,  aliisque  pluribus  argumentis.