10.1:30  admonitions  particulieres  de  leur  prochain  soient  admonestez  derechef  par  lesglise,  et  silz  ne  vouloient  nullement  venir  a  raison,  ne  recognoistre  leur  faulte,  quant  jlz  en  seront  convaincus,  quon  leur  denonce  quilz  ayent  g)  a  sabstenir  de  la  cene  jusques  a  ce  quilz  reviennent  en  h)  meilleure  disposition.  Quant  est  des  vices  notoires  et  publiques  que  lesglise  ne  peult  pas  dissimuler,  si  ce  sont  faultes  qui  meritent  seulement  admonition,  l'office  des  anciens7)  i)  sera,  appeller  ceulx  qui  en  seront  entachez,  leur  faire  remonstrances  amyables  affin  quilz  ayent  a  sen  corriger,  si  on  y  voit  amendement,  ne  les  plus  molester.  Silz  perseverent  a  mal  faire,  quon  les  admoneste  derechef.  Et  si  a  la  longue  on  ne  proufytoit  rien,  leur  denoncer  comme  a  contempteurs  de  Dieu,  quilz  ayent  a  sabstenir  de  la  cene,  jusques  a  ce  quon  voye  en  eulx  changement  de  vie.  Quant  est  des  crimes  qui  ne  meritent  pas  seulement  remonstrance  de  paroles  mais  correction  avec  chastiement,  si  quelqun  y  est  tomhe,  selon  lexigence  du  cas  jl  luy  fauldra  denoncer  quil  sabstienne  quelque  temps  de  la  cene  pour  se  humilier  devant  dieu  et  mieulx  recognoistre  k)  sa  faulte.  Si  quelqun  par  contumace  ou  rebellion  se  volloit  jngerer  contre  la  deffence,  loffice  du  ministre  sera  de  le  renvoyer,  veu  quil  ne  luy  est  licite  de  le  recevoir  a  la  communion.  Et  neantmoins  que  tout  cela  soit  tellement  modere,  quil  ny  ait  nulle  rigueur  dont  personne  soit  greve,  et  mesmes  que  les  corrections  ne  soient  sinon  medicines,  pour  reduyre  les  pecheurs  a  nostre  seigneur.8)  1)  Que  ceste  police  soit  non  seulement  pour  la  ville,  mais  aussi  pour  les  villages  dependens  de  la  seigneurie.  a)  que  les  commis  susdicte.  b)  a  lesglise.  c)  nous  avons  advise  de.  d)  noz  officiers.  e)  le  conseil.  f)  a  la  seigneurie.  g)  quilz  en  aient,  h)  a  meilleure.  i)  des  anciens  commis*  k)  cognoistre.  1)  Uarticle  additionnel  propose  par  la  commission  est  insere  dans  le  texte  de  finitis*  avec  la  redaction  suivante:  Et  que  tout  cela  se  face  en  telle  sorte  que  les  ministres  naient  nulle  iurisdiction  civile  et  ne  usent  sinon  du  glaive  spirituel  de  la  parolle  de  Dieu  comme  sainct  Paul  leur  ordonne,  et  que  par  ce  consistoire  ne  soit  en  rien  derogue  a  l'auctorite  de  la  seigneurie  ne  a  la  iustice  ordinaire.  Mais  que  la  puissance  civile  demeure  en  son  entier.  Et  mesmes  ou  il  sera  besoing  de  faire  quelque  punition  ou  contraindre  les  parties,  que  les  ministres  avec  le  consistoire  aiant  ouy  les  parties  et  faict  les  remonstrances  et  admonitions  telles  que  bon  sera,  ayent  a  raporter  au  conseil  le  tout,  lequel  sur  leur  relation  advisera  den  ordonner  et  faire  iugement  selon  lexigence  du  cas.