46:3  3  HARMONIE  EVANGELIQUE.  a  faites  pour  nous  appeler  a.  l'heritage  celeste,  tout  cela  (di-ie)  est  compris  sous  ce  mot  d'Evangile.  Et  voyla  pourquoy  il  est  dit  que  l'Evangile  est  de  luy.  Mais  cependant  il  y  a  les  Ministres,  par  lesquels  il  a  voulu  que  l'Evangile  nous  fust  publie:  comme  nous  avons  maintenant  a  exposer  8.  Matthieu,  S.  Marc,  et  S.  Luc,  d'autant  qu'il  y  a  un  mesme  fii  de  l'histoire,  laquelle  ils  ont  escrite.  S.  Iean  traitte  priocipalement  de  la  doctrine  de  nostre  Seigneur  Iesus  Christ.  Il  touche  comme  en  passant  quelques  histoires,  mais  ce  n'est  pas  pour  s'y  arrester.  Comme  i'ay  dit,  il  insiste  sur  le  fruit  que  nous  avons,  de  ce  que  nostre  Seigneur  Iesus  Christ  nous  a  este  envoye,  et  qu'il  a  accompli  toutes  choses  qui  estoyent  requises  pour  nostre  salut.  Or  si  nous  n'avions  este  instruits  de  S.  Iean,  le  recit  qui  nous  est  fait  par  les  trois  que  nous  devons  exposer,  seroit  bien  maigre.  Car  nous  pourrions  bien  raconter  ce  qui  est  necessaire  a  cognoistre  :  mais  cependant  nous  ne-  scaurions  pourquoy  Iesus  Christ  est  venu,  pourquoy  il  a  tant  endure,  quel  a  este  son  office,  quelle  est  sa  vertu,  et  comme  nous  avons  a  iouir  de  luy.  Toutes  ces  choses-la  nous  seroyent  obscures:  mais  nous  en  avons  la  clef  en  sainct  Iean,  pour  nous  en  donner  ouverture.  Ainsi  donc  quand  nous  aurons  bien  regarde,  nous  trouverons  qu'il  n'y  a  rien  de  superflu  en  ces  quatre  Evangiles,  que  le  tout  ne  soit  bien  lie  par  un  conseil  admirable  de  Dieu:  et  cependant  nous  avons  tout  ce  que  nous  pouvons  souhaiter:  et  quiconques  desire  d'avantage,  il  monstre  qu'il  ha  une  folle  curiosite,  et  que  les  oreilles  luy  chatouillent,  et  qu'il  ne  se  contente  point  de  ce  que  Dieu  a  preveu  nous  estre  utile  et  profitable.  Or  il  est  vray  que  les  Apostres  ont  este  comme  les  heraux,  qui  ont  publie  le  message  de  salut,  pour  resiouir  les  poures  pecheurs,  et  pour  les  retirer  de  mort  a  vie:  mais  cependant  si  nous  regardons  a  la  vanite  des  hommes,  et  combien  ils  sont  enclins  a  estre  trompez  et  deceus,  ce  n'est  point  sans  cause  que  Dieu  a  voulu  que  l'Evangile  nous  fust  couche  par  escrit,  et  que  cela  veinst  de  main  en  main,  et  qu'il  demourast  iusques  en  la  fin  du  monde.  Qu'auiourd'huy  on  mette  en  avant  une  chose  laquelle  sera  assez  commune:  si  on  la  recite,  et  que  chacun  en  dise  sa  ratelee,  tout  sera  desguise  du  iour  au  lendemain,  et  le  faict  qui  devroit  estre  cognu  tout  liquide  a  un  chacun,  sera  embrouille  de  tant  de  mensonges  que  rien  plus.  Et  pourquoy?  Car  les  hommes  ont  1'esprit  fretillant,  il  n'y  a  celuy  qui  ne  vueille  gloser.  Et  puis  nous  avons  ceste  perversite  en  nous,  de  corrompre  la  verite,  comme  si  nous  avions  complote  avec  Satan  d'estre  faussaires.  Cela  adviendra  aux  choses  les  plus  communes  du  monde: