34:3  3  SERMON  LXII  Icy  Eliphas  passe  plus  outre,  c'est,  que  les  meschans  ne  concoivent  que  travail,  et  qu'ils  n'enfantent  que  mal  pour  eux,  que  leur  ventre  nourrist  fraude,  c'est  a  dire,  de  vaines  esperances  et  frustratoires,  esquelles  ils  seront  trompez  en  la  fin.  Et  c'est  aussi  la  menace  que  Dieu  fait  au  33.  du  Prophete  Isaie  (v.  ll),  contre  les  contempteurs  qui  n'avoyent  tenu  conte  de  sa  parole,  mesmes  s'en  estoyent  endurcis:  Voici  vous  concevez  (dit-il)  de  la  paille,  et  enfantez  des  ordures.  Comme  s'il  disoit,  Vous  estes  la  obstinez  contre  ma  parole,  d'autant  que  vous  ne  pouvez  pas  cognoistre  le  mal  que  vous  avez  commis,  et  combien  vous  avez  provoque  mon  ire  contre  vous:  tant  y  a  que  vous  avez  beau  vous  flatter  :  car  avec  toutes  vos  flateries  vous  cognoistrez  que  vous  n'avez  conceu  que  paille  et  chaume,  et  que  le  tout  s'en  ira  au  vent:  et  cognoistrez  que  toutes  vos  flateries  ne  vous  auront  rien  profite.  Maintenant  donc  nous  voyons  en  somme  quelle  est  l'intention  d'Eliphas:  c'est  a  savoir,  que  les  meschans  pourront  bien  estre  pour  un  temps  la  a  leur  aise,  et  que  Dieu  ne  les  pressera  pas  si  fort  qu'ils  ne  se  nourrissent  en  quelque  attente.  Mais  quoi?  Si  est-ce  que  Dieu  (maugre  qu'ils  en  ayent)  les  pressera,  qu'il  faudra  qu'ils  ayent  un  ver  qui  les  rongera  la  dedans,  qu'ils  auront  leurs  consciences  qui  les  soliciteront  tousiours,  qu'ils  auront  des  remors  et  des  pointes  qui  les  tormenteront  en  secret:  voire  et  que  Dieu  leur  envoyera  en  la  fin  des  angoisses  si  fortes  et  si  excessives,  qu'il  faudra  qu'au  dehors  ils  enfantent  ce  qu'ils  avoyent  nourri.  Et  pourquoi?  Oar  leur  ventre  n'a  conceu  que  fraude:  c'est  a  dire,  combien  qu'ils  n'ayent  point  senti  leurs  maux  du  premier  coup,  si  est-ce  qu'ils  ne  font  que  se  ruiner  quand  ils  n'ont  point  eu  Dieu  propice.  Ils  se  promettront  ceci  et  cela:  mais  tant  y  a  qu'en  tout  leur  cas  il  n'y  aura  que  tromperie.  Or  venons  maintenant  a  la  response  de  Iob.  Il  leur  dit  en  premier  lieu  qu'il  a  ouy  souvent  choses  semblables,  et  pourtant  qu'ils  sont  consolateurs  fascheux,  voire  s'adressans  ainsi  a  Iob  avec  telles  paroles,  et  si  ennuyeuses.  En  disant  qu'il  a  ouy  souvent  choses  semblables,  il  signifie  qu'il  ne  lui  falloit  point  apporter  des  remedes  vulgaires  et  communs,  d'autant  que  son  mal  estoit  si  grand  et  si  extreme,  qu'il  falloit  bien  apporter  quelque  consolation  amiable,  et  qui  lui  peust  servir:  et  non  point  lui  tenir  de  ces  propos  la,  comme  on  feroit  par  maniere  d'acquit  a  un  qui  seroit  afflige,  et  non  point  outre  mesure.  Nous  voyons  donc  a  quoi  Iob  pretend,  en  disant  qu'il  a  ouy  souvent  de  tels  propos.  Or  il  est  vrai  quand  on  nous  apportera  quelque  consolation,  qui  nous  aura  este  cognue  auparavant,  que  nous  ne  la  devons  pas  mespriser.  Et  pourquoi?  Si  auiourd'hui  nous  sommes  enseignez  de  la  bonte