32:3  3  PSALMUS  XCI.  4  4.  (Alis  suis  protegat  te.)  Haec  similitudo,  quam  etiam  alibi  usurpat  scriptura,  miram  Dei  in  tenenda  salute  nostra  sollicitudinem  pulcre  depingit.  Si  in  se  reputatur  Dei  maiestas,  certe  nihil  habebit  affine  vel  gallinis  vel  aliis  avibus,  ut  fovendis  pullis  alas  extendat.  Ipse  vero  ut  infirmitati  nostrae  consulat,  a  coelesti  sua  gloria  quodammodo  descendere  non  gravatur,  ut  sub  gallinae  imagine  blandius  nos  invitet.  Nihil  ergo  est  quod  nos  impediat  a  familiari  eius  accessu,  quando  ita  comiter  se  demittit.  Quanquam  autem  veritas  Dei,  quam  clypei  et  parmae  loco  fore  dicit,  pro  fidelitate  capitur,  quia  Deus  nunquam  suos  in  necessitate  deserit  :  dubium  tamen  non  est  quin  ad  Dei  promissiones  respiciat  propheta,  sine  quibus  nemo  in  Dei  sinum  coniicere  se  auderet.  Quia  igitur  sublato  verbo  gustare  non  possemus  hanc  Dei  bonitatem  de  qua  disserit  propheta,  ipsum  testem  eius  producit.  Sicuti  autem  nuper  Deum  arci  comparans,  tutos  et  salvos  fore  dixit  qui  in  eo  acquiescunt:  ita  nunc  sub  clypei  similitudine  intermedium  fore  docet,  ut  nos  ab  omni  insultu  defendat.  o.  Non  timebis  a  terrore  nodis,  a  sagitta  quae  volabit  per  diem:  6.  Ab  exitio  in  tenebris  grassante,  a  peste  [quae  in  meridie  vastat.  7.  Cadent  a  latere  tuo  mille,  et  decem  millia  a  dextris  tuis:  ad  te  non  appropinquabit  8.  Utique  oculis  tuis  adspicies,  et  retributionem  impiorum  videbis.  5.  (Non  timebis  a  terrore  noctis,  a  sagitta,  ete.)  Fusius  explicat  propheta  quod  paulo  ante  attigi,  undecunque  molestiam  facessat  nobis  Satan,  et  quocunque  telorum  genere  nos  impetat,  si  unico  Dei  praesidio  contenti  erimus,  nihil  nociturum.  Idque  tenere  operae  pretium  est,  Quos  Deus  in  tutelam  tuam  suscepit,  probe  undique  esse  munitos.  Nam  quum  nihil  difficilius  sit  quam  Deum  amplecti  liberatorem,  quamvis  eousque  quis  profecerit:  ubi  tamen  occurrunt  tot  mortes  et  noxae  quibus  obsidetur  vita  nostra,  simul  obrepit  dubitatio  quae  inquietudinem  et  trepidationem  generat.  Ideo  non  abs  re  enumerat  propheta  diversas  malorum  species,  ne  unam  tantum  salutem  a  Deo  sibi  promittant  fideles,  sed  innumeris  tentationibus  fortiter  resistant.  Nocturni  pavoris  ideo  meminit,  quia  et  tenebrae  homines  reddunt  timidos,  et  nox  pluribus  incommodis  obnoxia  est:  deinde  si  quid  increpuit,  fingimus  nobis  maiores  metus.  Sagittam  interdiu  volantem  potius  elegit,  meo  iudicio,  quam  aliud  quodvis  telum,  quia  et  longius  vibratur,  et  propter  celeritatem  non  facile  potest  praecaveri.  Secundo  membro  idem  aliis  verbis  inculcat,  nullum  esse  genus  mali  quod  non  repellat  Deus  auxilii  sui  clypeo.  7.  (Cadent  a  latere  tuo  mille,  ete.)  Prosequitur  eandem  sententiam,  quamvis  eadem  sit  mortalium