2:3  IOANNES  CALVINUS  LECTORI.  mum  quaerere  in  scriptura,  et  quem  in  scopum  quidquid  in  ea  continetur  referre  debeat.  Itaque,  hac  veluti  strata  via,  si  quas  posthac  scripturae  enarrationes  edidero,  quia  non  necesse  habebo  de  dogmatibus  longas  disputationes  instituere,  et  in  locos  communes  evagari,  eas  compendio  semper  astringam.  Ea  ratione  magna  molestia  et  fastidio  pius  lector  sublevabitur:  modo  praesentis  operis  cognitione,  quasi  necessario  instrumento,  praemunitus  accedat.  Sed  quia  huius  instituti  ratio  in  tot  meis  commentariis  quasi  in  speculis  clare  apparet,  re  ipsa  malo  declarare  quale  sit,  quam  verbis  praedicare.  Vale  amice  lector,  et  si  quem  ex  meis  laboribus  fructum  percipis,  me  precibus  tuis  apud  Deum  patrem  nostrum  adiuva.  Genevae  Calend.  August.  Anno  MDLIX.  Quos  animus  fuerat  tenui  excusare  libello,  Discendi  studio  magnum  fecere  volumen.  Augustinus  Epistola  7.  Ego  ex  eorum  numero  me  esse  profiteor  qui  scribunt  proficiendo,  et  scribendo  proficiunt.