17:3  3  EPISTOLAE  2783.2785  sunt,  ut  a  nobis  6)  possint  incunctanter  recipi.  Et  sunt  nonnulla  sic  posita,  ut  etiamsi  sano  aliquo  sensu  dici  queant,  non  sunt  tamen  omnia  omnium  inter  nos  iudicia  talia,  ut  nihil  ex  illis  nascatur  inter  nos  controversiae.  Et  in  ecclesiis  Sabaudiae  7)  sunt  adhuc  nonnulli  sic  ad  turbandum  proclives,  ut  eiusmodi  occasionem  etiam  pecunia  redimere  non  dubitarent,  quo  tibi  praesertim  negotium  apud  principes  nostros  facessere  possent.  Nosti  qui  sint.  Nec  est  ut  admonitionem  hanc  nostram  illorum  respectu  minus  necessariam  putes.  Neque  enim  cum  illis  nasceretur  tibi  negotium,  sed  cum  iis  quorum  indignationem  haud  satis  commode  tuleris.  Ilem  ipsam  speratae  concordiae,  qualis  in  se  sit,  non  excutimus,  quamvis  tantum  de  illa  spei  concipere  non  possumus,  quantum  literae  tuae  praedicant.  Nec  desunt  causae  quibus  ab  hac  spe  impediamur,  graviores  quam  velimus.  Verum  ubi  nostrarum  ecclesiarum  statum,  et  ingenia  eorum,  sine  quibus  ne  tentanda  quidem  nedum  speranda  est  concordia,  penitius  consideramus,  timemus,  ne  quo  pacto  factum  tuum  per  improba  quorundam  studia  non  modo  inter  nostros  sed  et  alterius  partis  inquietos  plus  allaturum  sit  ad  dissidia  quam  ad  concordiam  momenti.  Quare  te  per  communem  nostram  fidem  et  christianam  philadelphiam  rogamus,  imo  obtestamur,  ut  nihil  huius  tuopte  consilio  sine  communi  caeterorum  fratrum  consensu  in  causa  hac  non  privata  sed  communi  tentes  in  posterum  amplius.  Nec  dubitamus,  te  huius  ab  aliis  quoque  admoneri,  et  qua  es  ingenii  placiditate,  confidimus  te  haud  aegre  laturum  quidquid  hoc  est  fraterni  officii,  imo  pro  singulari  prudentia  facile  perspecturum,  quam  te  non  frustra  hac  de  re  admonere  voluerimus.  Caeterum  quod  ipsam  concordiam  in  futuro  aliquo  vel  principum  vel  ministrorum  conventu  quaerendam  attinet,  non  est  nostrum  quidquam  polliceri,  sed  ubi  eius  fuerit  oblata  iusta  aliqua  et  satis  accommoda  occasio,  in  communi  consultandum  existimamus,  ne,  dum  concordiam  cum  parte  adversa  inconsultius  quaerimus,  pro  concordia  eiusmodi  eam  qua  inter  nos  fruimur  amittamus  et  infelici  dissidio  commutemus.  Optamus  te  in  Domino  valere  feliciter  cum  fratribus,  qui  sunt  vobiscum,  et  precamur  vobis  ineuntis  anni  auspicia  felicissima.  Bernae,  Calendis  Ianuarii,  1558.  Tui  ia  Domino  fratres  Ministri  et  Professores  ecclesiae  Bernensis.  6)  scripta  erat  illa  confessio  nomine  Gallorum.  7)  In  parte  Bomanensi  ditionis  Bernensis  non  tam  de  coena  quam  de  praedestinatione  disceptabatur,  de  qua  iam  novae  turbae  oriturae  erant  hoc  ipso  anno.