16:3  3  EPISTOLAE  2374.2376  adeo  sui  similis  est  Satan  quoties  libuit.  Magna  igitur  non  modo  prudentia  sed  etiam  diligentia  opus  est,  ut  nascentibus  malis  occurratur.  Quid  autem  de  his  rebus  sentiamus  cognosces  ex  communi  nostro  scripto  quod  ad  ipsum  Lismaninum  mittimus  ad  fratres  nostros  Polonos  perferendum,  neque  dubitamus  quin  hanc  nostrae  fidei  professionem  vobiscum  et  cum  fidelibus  omnibus  communem  habeamus.  De  Genevensibus  copiose  ad  te,  ut  opinor,  D.  Calvinus  noster.6)  Nos  hic  quoque  strenue  exercemur,  ac  praesertim  D.  Viretus,  7)  quem  isti  exsules  non  verentur  palam  ut  nebulonem  ac  proditorem  accusare.  Addunt  etiam  fuisse  instinctu  Calvini  Genevam  profectum  ut  per  blanditias  a  captivis  extorqueret  ut  exsules  criminarentur.  Ita  coactus  est  Viretus  diem  illis  dicere.  Causa  publice  agitur  neque  maior  habetur  Vireti  ratio  quam  si  homo  esset  ignotus  et  eiusmodi  ut  suspiciones  tantorum  criminum  in  eum  possint  cadere.  Sed  Dominus,  ut  spero,  istis  offendiculis  tandem  medebitur.  Nos  quidem  oportet  per  bonam  ac  malam  famam  ad  metam  contendere.  In  Gallia  pergunt  ecclesiae,  zelo  plane  mirabili.  Parisienses  s)  novum  ministrum  petunt,  quem  brevi,  ut  spero,  missuri  sumus.9)  Sed  vide  ut  hoc  non  spargatur.  Nam  inter  fideles  multi  per  simplicitatem  quotidie  peccant  ista  inconsiderate  effutiendo,  multi  quoque  sunt  insignes  hypocritae,  quales  quotidie  plurimos  hic  experimur.  De  nobili  illo  puero  quidquid  intellexeris  ad  nos  perscribes.  Beraldus10)  autem  noster,  quamvis  adhuc  tibi  incognitus,  sed  plane  dignus  quem  ames,  magnopere  te  salutat  cum  tota  nostra  ecclesia.  Bene  vale,  mi  optime  pater.  Dominum  Iesum  ex  animo  precor  ut  te  incolumem  conservet,  tibique  indies  magis  ac  magis  benedicat.  Omnes  collegas  rogo  ut  accurate  salutes  meo  nomine.  Iterum  vale,  Lausannae  Calendis  Ianuarii.11)  Th.  Beza  filius  tibi  in  Domino  addictissimus.  torici  initia  antitrinitarismi  in  Polonia  ad  Petri  Gonesii  declarationem  in  synodo  Sectimenensi  lan.  1556  habita  referre,  cf  Lubien.  p.  l  l  l  .  Io.  Stonii  epit.  hist.  orig.  Unitar.  in  Polonia  in  Sandii  bibliotheca  p.  183.  {Salig.  II.  624.)  Verum  talia  placita  iam  antea  publice  prolata  fuisse  docet  hoc  Lismanim  testimonium,  et  quae  iam  inde  ab  a.  1554  contra  Stancarum  in  variis  synodis  acta  sunt,  6)  N.  2329.  7)  N.  2364.  8  )  Primum  coetus  congregati  sunt  in  aedibus  cuiusdam  nobilis  Cenomani  cui  nomen  erat  de  la  Ferriere,  et  ministerio  fungebatur  Io.  le  Macon  dictus  La  Biviere,  m.  Sept  1555.  (Hist.  eccl  I.  99.)  9)  De  hoc  negotio  mox  plura.  10)  N.  2331.  11)  Annum  1556  confidenter  adscribes.