15:3  3  EPISTOLAE  1892.1897  turbavit,  ut  neque  pedes  neque  manus  satis  officio  suo  fungi  possint.  Nunc  vero  malas  et  fauces  occupat,  ut  verear  ne  non  habendae  concioni  die  dominico  idoneus  sim  futurus.  Hoc  enim  biduo  me  plus  solito  cruciat  et  vocem  prope  ademit.  Spero  tamen  -eam  paulatim  defluxuram  esse.  Interea  fratres  rogandos  putavi,  ut  aliquem  meo  loco  substituant.  Quod  ut  meo  nomine  facias  vehementer  a  te  peto.  Bene  vale.  5.  Ianuarii  1554.  1)  Tui  observantissimus  Nicolaus  Gallasius.  1893.  GRATAROLUS  BULLINGERO.  Petrum  Martyrem  contra  Servetum  scripturum  esse  denuo  nunciat,  iam  addito  nomine.  (Ex  autographo  Archiv.  Tnric.  Plut.  VI.  Vol.  155,  fol.  60  )  Clarissimo  et  optimo  Tigurinae  ecclesiae  pastori  D.  Heinricho  Bullingero  fratri  et  maiori  suo  observandissimo.  zu  Zurich.  Quod  scire  cupias  quis  sit  bonus  ille  vir  qui  pollicitus  est  haeresiarcham  scripto  impugnare,l)  dicam  tibi  cui  nihil  non  dicerem  ac  crederem  me  ipsum:  is  est  D.  Petrus  Martyr  Italus,  Argentorati  habitans  honesta  vocatione  iustoque,  ut  puto,  stipendio.  2)  Monebo  illum  quo  etiam  reliquos  a  D.  Calvino  libros  recipiat:  sed  utinam  in  ea  sententia  perstet,  et  promissum  quam  citius  fieri  potest  compleat.  Basileae  v  januarii  MDLIIII.  Tuae  praestantiae  deditissimus  Gulielmus  Gratarolus.  1892.1)  Erat  V.  D.  M.  in  Jussy,  anno  superiore  vocatus.  1893.  1)  Cf.  N.  1873  not  4.  2)  sci?,  a.  d.  IV.  Cal.  lan.  'professor  theologiae  creatus  fuit,  invito  Marbachio,  et  canonicus  ad  S.  Thomae  factus.  (Schmidt,  p.  143.)