13:3  3  EPISTOLAE  1043.1046  fidelissimo  Christi  Domini  nostri  servo  Guillelmo  Farello  Neocomensis  ecclesiae  pastori  fratri  et  symmystae  carissimo.  S.  Poterat  quidem  Barbarinus  de  ecclesiae  nostrae  statu  plura  narrare  quam  scribere  mihi  in  praesentia  vacet.  Quia  tamen  literas  secum  auferre  voluit  non  fuit  recusandum  quin  illi  satisfacerem.  Video  adhuc  pugnandum  esse,  nec  finis  apparet,  donec  prorsus  fracti  hostes  fuerint,  quorum  incredibilis  est  tum  improbitas,  tum  impudentia.  *)  Animos  facit  eorum  socordia  aut  certe  ignavia  qui  boni  censeri  volunt.  Nihil  enim  fere  in  omnibus  est  cordis.  Itaque  nondum  tentatis  remediis  desperant,  quum  tamen  et  numero  vincant  et  causa,  populumque  habituri  sint  faventem  suae  causae,  si  eo  ventum  foret.  Nunc  timendum  ne  Dominus  eorum  cessationem  graviter  puniat,  quod  denunciando  non  adeo  multum  proficimus.  Nihil  hic  praeterea  novi,  nisi  quod  nuper,  quum  ad  Fallesium  venissem,2)  mihi  indicavit  se  vereri  ne  qua  de  se  animo  tuo  sinistra  suspicio  insideret.  Retulit  enim  quod  de  edenda  fidei  confessione  Morgiis  praeceperas.  Ego  hominem  molestia  liberavi:  respondi  enim  temporum  rationem  abs  te  habitam  fuisse.  Caeterum  quod  paulo  ab  urbe  longius  domicilium  elegit  permissu  meo  factum  est,  quia  aegre  adduci  poterat  ut  mox  urbem  recta  intraret.  Usus  autem  illi  erit  aptior  magister.  Vale,  frater  et  amice  integerrime.  Dominus  tibi  adsit  ac  labores  tuos  benedicat.  Fratribus  et  familiae  tuae  plurimam  salutem.  Genevae  10.  Iulii  1548.  Ioannes  Calvinus  tuus.  1044.  VIRETUS  CALVINO.  Narrat  quid  Bernae  egerit  et  quomodo  ibi  exceptus  sit  Sperat  negotium  suum  prospere  habiturum  esse.  Denuo  monet  literas  ad  Bullingerum  mutandas  esse.  (Ex  autographo  Cod.  Genev.  l  l  l  a  y  fol.  76.  .  Alia  exemplaria  in  Cod.  116,  fol.  104,  Bernae  in  epp.  VII.  p.  903,  et  ap.  Simlerum  Vol.  77.)  1043.  1)  Circa  imtium  mensis  Iulii  Calvinus  in  concionibus  graviter  in  quosdam  invectus  obiique  ipsum  magistratum  petere  visus  est  ideoque  ab  hoc  paulo  strictius  admonitus.  {Reg.  du  Conseil.  9,  et  16.  Iul)  2)  Qui  ergo  tunc  tandem  advenerat  et  in  vico  Vegiacensi  pedem  fixerat.  Saltem  hoc  primum  est  huius  migrationis  vestigium.  Quod  fugit  Bonnetum  V.  D.  Vide  infra  ad  N.  1047.  Quae  de  Fallesii  suspicione  dicit  explanata  habebis  in  ep.  C.  ad  Farellum  N.  1066.