10.2:3  3  MDXXX.  CALVINUS  DANIELI.  Gratias  agit  amico  de  variis  officiis  sibi  praestitis,  quae  singula  ita  attinguntur  ut  quid  rei  sit  nunc  difficillime  effeceris.  Vinum  Melliani  emendum,  ut  videtur,  procurat.  Viatoriam  vestem  sibi  commodatam  remittit.  Odysseam  Suqueto  pridem  traditam  reddi  cupit  (Ex  collectione  Petri  Danielis  in  Bibi.  Bernensi  civica  Cod.  mise.  450.  N.  8.  Exstat  praeterea  Genevae  in  Bibi.  Cod.  106,  fol.  1  et  Cod.  l  l  l  ,  fol.  1  verso;  item  in  Archiv.  Bern.  Bpp.  VII.  p.  190.  Edita  est  ab  Herminjardo  II,  278  et  anglice  apud  Bonnet-Oonstable  T*  I.  p.  5.)  Io.  Calvinus  Francisco  Danieli  Aurelio  8.  D.1)  Quod  in  rebus  nostris  procurandis  nihil  diligentiae  reliquum  fecisti,  debeo  gratiam.  Cuius  referendae  occasionem  non  perdam  si  quando  se  nobis  dederit.  Fiet  enim,  opinor,  ut  saltem  simile  genus  officii  possim  rependere.  Neque  sic  tamen  expungetur  nomen  meum  ex  tuo  calendario:  adeo  vix  est  ulla  pagina  quae  me  non  profiteatur  debitorem.  Verum  si  tanti  me  aestimas,  tibi  me  ipsum  pretium  facio,  ea  etiam  lege2)  ut  si  quid  meum  est  sequatur  suum  possessorem.  Quod  superest,  scias  impudentiae  nostrae  apertam  esse  fenestram,  dum  promptam  atque  expeditam  operam  praestitisti,  ne  posthac  simus  verecundi  petitores.  Neque  respiciendum,  2*  1)  Hanc  inscriptionem  P.  Daniel  de  suo  addidisse  fatetur,  a  quo  caeteri  omnes  eam  mutuati  sunt.  .  Franciscus  Daniel,  istius  Petri  pater,  Aurelianensis,  Calvini  iuridicis  studiis  operam  navantis  apud  Bituriges  atque  ut  videtur  iam  in  ipsa  urbe  patria  commilito  et  amicus.  Quidquid  sit,  Andr.  Alciatus  clarissimus  Ictus  cuius  fama  et  doctrina  utrumque  iuvenem  alliciebat  anno  demum  1529.  Bituriges  adiit.  Quod  Histor.  eccl.  quae  sub  Bezae  nomine  circumfertur  T.  L  p.  9  de  Daniele  reformatae  religioni  iam  tum  addicto  dicit,  deque  Calvino  Aureliae  purius  evangelium  praedicante,  id  cave  nimis  confidenter  accipias.  2)  with  the  usual  legal  proviso.  B.  C.