7:299  299  ADVEKSUS  P.  CAROLI  300  principem  scribit.  Ego,  inquit,  ad  patrem  tuum  veni  ut  ex  eius  ditione  propius  Lutheranos  lacesserem.  At  chirographo  iam  ante  annos  quinque  testatus  est  se  ideo  venisse  ut  cum  Lutheranis  rediret  in  gratiam,  eorum  doctrinam  amplecteretur,  eorum  communionem  tota  vita  coleret.  Si  Agathopoli  necessitate  se  [pag.  14]  fuisse  adactum  causatur  ut  confessionem  eiusmodi  susciperet,  cur  sponte  hoc  posterioribus  actis  non  in  foro,  sed  intra  privatos  parietes  ratum  vult  haberi.  Nec  iactare  potest  blanditiis  se  fuisse  illectum.  Nam  etsi  non  merebatur  tam  humaniter  tractari  quam  fuit  tractatus,  tamen  non  alius  illi  honor  habitus  fuit  quam  quod  mulus  eius  in  ptochotrophio  nutritus  fuit,  cum  famulo  quem  secum  adduxerat;  ipse  autem  a  pastoribus  alebatur,  ita  ut  qui  eum  prandio  exceperat,  alio  ad  coenam  ablegaret.  Quo  tempore  tantam  mendicandi  impudentiam  sibi  acquisivit,  ut  Calvini  Institutionem  ab  autore  importunis  flagitationibus,  bis  aut  ter  repulsam  passus,  extorserit.  Sed  redeo  ad  eius  narrationem.  Ex  hoc  specimine  coniecturam  facere  promptum  est  qualis  sit  toto  libro,  quum  a  prima  statim  pagina  adeo  impudentiae  suae  fraena  laxaverit.  Eiusdem  farinae  est,  quod  se  cum  cardinali  Sadoleto  de  itinere  suo  communicasse  dicit.  Nam  quum  Argentoratum  venisset,  hoc  captandae  benevolentiae  aucupium  prae  se  ferebat,  quod  Sadoletum  habuisset  sibi  infestissimum.  Proferebat  enim  et  suas  et  Sadoleti  literas,  unde  constabat  displicuisse  Sadoleto  eius  doctrinam.  Quid  plura?  Praesentissimum  sibi  periculum  impendisse  iurabat,  nisi  maturo  discessu  antevertisset.  Id  enim  argumento  volebat  esse,  nunquam  ita  se  fuisse  versatum  in  papistarum  castris,  quin  eorum  impietati  resisteret,  ac  qualecunque  susciperet  [pag.  15]  piae  doctrinae  patrocinium.  Si  Sadoletus  eum  Avenione  quietum  esse  non  patiebatur,  quin  illi  capitis  periculum  crearet,  an  passus  fuisset  a  suo  Molendino  salvum  abire?  Horum  quidquam  si  negat,  adhuc  proferentur  schedae  illae,  quibus  gratificari  Argentinensibus  voluit.  Quid  ultra  hommem  insequar,  de  cuius  tam  foeda  impudentia  cogitare  sine  pudore  nequeo?  Et  tamen  ipsum  nihil  pudet,  quin  os  suum  illud  impurum  adhuc  mundo  ostentet.  Sed  hanc  excaecationem  iustum  Dei  flagellum  esse  interpretor,  qui  turpitudinem  eius  in  obscuro  latere  non  vult.  Nam  et  innumera  eius  flagitia  posthac  suo  loco  recensebimus,  quibus  in  medium  producendis  ipse  occasionem  dabit.  Haec  sunt  paralipomena,  quae  adiungi  ad  historiam  profectionis  eius  oportuit,  ne  quis  momento  uno  saltasse  eum  Avenione  in  Lotharingiam  putaret.  Quod  autem  postea  subiicit,  se  Metim  venisse,  ut  Farello  obsisteret,  in  eo  perfidiam  suam  prodit  aut  certe  turpissimam  levitatem.  Quid  enim  erat  impugnare  doctrinam,  quam  biennio  ante  sibi  per