6:299  RESPONSIO  CONTRA  PIGHIUM  nobis,  fateor,  in  speciem  videtur  repugnare.  Sed  si  Augustinum  recipimus  sui  interpretem,  tota  difficultas  erit  ad  solvendum  facillima.  Peccatum  negat  fore  peccatum,  quin  sit  voluntarium.  In  voluntate  porro  liberum  esse  arbitrium.  Tales  enim  servos  meliores  esse  iudicavit  Deus,  si  ei  servirent  liberaliter.  Quod  nullo  modo  fieri  posset,  nisi  voluntate  servirent,  et  non  necessitate.  Nunc  locum  interpretationi  demus.  Peccatum,  inquit,l)  illud  intelligi  debet,  quod  tantummodo  peccatum  est,  non  etiam  poena  peccati.  Postea  dum  inquirit,  qualiter  voluntaria  sint  ea  quoque,  quae  perpetrantur  a  nobis,  ideo  sic  vocari  posse  docet,  quod  mala  voluntate  fiant.  Ut  autem  bona  sit,  a  Domino  sanari  et  praeparari.  Possetne  clarius  expostulare  cum  Pighio,  quod  gravem  sibi  iniuriam,  scripta  sua  in  alienum  sensum  torquendo,  faciat?  At  primum,  ratiocinationem  deducit  a  voluntario  ad  liberum:  deinde  voluntati  necessitatem  opponit.  Neque  ego  ratiocinationem  hanc  improbo,  si  integra  esset,  ac  sui  iuris  voluntas.  Quemadmodum  si  quis  dixerit:  Homo  est  animal  bipes,  ambulare  igitur  et  ingredi  potest:  [pag.  93]  erit  quidem  argumentum  non  malum  nec  ineptum.  Verum  si  quis  ad  paralyticum  trahere  velit,  in  promptu  est  responsio,  aliunde  esse  vitium,  quod  naturam  impediat.  Sic  omnino  de  voluntate  respondendum  est:  liberam  quidem  esse  natura,  sed  vitio  factam  fuisse  servam,  atque  hac  servitute  detineri,  donec  Dei  manu  asseratur.  Verum,  quia  minus  suspecta  erit  ex  ore  Augustini  responsio,  eum  loquentem  audiat  Pighius:  Si  volumus,  inquit,2)  liberum  defendere  arbitrium,  non  oppugnemus,  unde  fit  liberum.  Nam  qui  gratiam  oppugnat,  qua  ad  fugiendum  malum  et  bonum  faciendum  liberatur,  vult  adhuc  esse  captivum.  Aut  si  brevius  malit:  In  hac  quaestione  non  natura,  sed  naturae  corruptio  reputanda.8)  Illic  autem  de  natura  sermonem  haberi,  certum  est.  Eadem  est  secundae  partis  solutio.  Per  arbitrii  enim  libertatem  factum  est,  ut  esset  homo  cum  peccato:  sed  iam  poenalis  vitiositas  subsequuta,  ex  libertate  fecit  necessitatem.  Itaque  quum  interrogaret  Pelagius,  voluntatisne  an  necessitatis  esset  peccatum,  respondet:  ut  sanemur,  nos  eum  invocare,  cui  dicitur  in  Psalmo  (25,  17),  de  necessitatibus  meis  erue  me.  4)  Haec,  opinor,  sufficere  queant,  si  aliud  non  adiicerem:  plenius  tamen  adhuc  est,  quod  in  libello  de  Natura  et  gratia  habetur.  Obiiciebant  illam  Hieronymi  sententiam  Pelagiani,  quam  neque  Pighius  in  nos  praetermisit:  Liberi  nos  arbitrii  conditos  esse,  nec  ad  virtutem,  nec  ad  vitia  necessitate  trahi.  Quis  aliter,  inquit,5)  conditam  neget  esse  1)  Lib.  1.  Retract,  c.  14.  2)  Epist  107.  ad  Vitalem.  3)  Lib.  2.  de  Gratia  Dei  contra  Coeiest.  cap.  33.  4)  De  Perfect,  iust.  5)  Cap.  65.  et  seq.