55:299  299  CAPUT  I.  1.  Quod  erat  ab  initio,  quod  audivimus,  quod  vidimus  oculis  nostris,  quod  intuiti  sumus,  quod  manus  nostrae  contrectaverunt  de  sermone  vitae:  2.  et  vita  manifestata  est,  et  vidimus,  et  testamur,  et  annuntiamus  vobis  vitam  aeternam,  quae  erat  apud  patrem,  et  manifestata  est  nobis.  Initio  proponit  exhibitam  nobis  suisse  in  Christo  vitam  :  quod  ut  est  bonum  incomparabile,  ita  sensus  omnes  nostros  miro  sui  desiderio  et  amore  rapere  et  inflammare  debet.  Paucis  quidem  et  simplicibus  verbis  hoc  dictum  est,  vitam  esse  manifestatam:  verum  si  reputamus  quam  misera  et  horrenda  sit  mortis  conditio:  rursum  quid  Dei  regnum  et  immortalis  eius  gloria  valeant:  aliquid  hic  magnificentius  sentiemus,  quam  ullis  verbis  exprimi  queat.  Ergo  hoc  consilium  est  apostoli,  proposito  ingenti  bono,  imo  summa  et  unica  beatitudine,  quam  nobis  in  filio  suo  Deus  contulit,  animos  nostros  sursum  attollere  :  sed  quia  rei  magnitudo  postulabat  ut  certa  esset  ac  comprobata  veritas,  hac  in  parte  multum  insistit.  Nam  ista  omnia,  quod  vidimus,  quod  audivimus,  quod  sumus  i  n  t  u  i  t  i  ,  ete.  ad  sanciendam  evangelii  fidem  valent.  Nec  vero  tantum  asseverandi  studium  frustra  adhibet.  Quum  in  evangelio  salus  nostra  consistat,  res  plusquam  necessaria  est  eius  certitudo:  nos  vero  quam  simus  ad  credendum  difficiles,  propria  experientia  plus  nimio  quisque  nostrum  agnoscit.  Credere  appello,  non  leviter  opinari,  aut  assentiendo  tantum  probare  quod  dicitur:  sed  firma  indubiaque  persuasione  amplecti,  ut  audeamus  tanquam  compertae  veritati  subscribere.  Hac  ratione  tam  multa  in  evangelii  confirmationem  hic  apostolus  congerit.  1.  Quod  erat  ab  initio.  Quoniam  abrupta  est  et  confusa  oratio,  ut  sensus  reddatur  clarior,  ita  verba  resolvere  oportet,  Nos  verbum  vitae,  quod  erat  ab  initio,  et  nobis  vere  modis  omnibus  testatum  fuit,  vobis  annuntiamus,  ut  vita  in  eo  manifestata  fuerit.  Tel  si  aliter  mavis:  Quidquid  de  verbo  vitae  annuntiamus  vobis,  ab  initio  erat,  et  nobis  palam  ostensum  fuit:  quia  vita  in  eo  manifestata