51:299  299  SERMON  Y  300  Car  nostre  election  (comme  desia  nous  avons  traitte)  est  une  chose  cachee,  mesmes  incomprehensible:  quand  les  hommes  s'en  seront  enquis  tant  qu'il  leur  sera  possible,  il  est  certain  qu'il  faudra  qu'ils  s'esvanouissent  en  toutes  leurs  pensees,  s'ils  veulent  entrer  en  ce  conseil  eternel  de  Dieu.  Et  ainsi  il  n'est  point  licite  de  nous  enquerir  outre  ce  que  l'Escriture  nous  conduit  et  nous  monstre  le  chemin.  Voila  donc  l'election  de  Dieu  qui  est  en  soy  cachee:  mais  il  nous  en  rend  tesmoignage  par  les  graces  qu'il  nous  eslargit,  comme  la  foy  est  un  don  du  S.  Esprit:  voila  pour  un  item.  Or  si  c'estoit  un  don,  comme  quand  Dieu  fait  luire  son  soleil  sur  les  bons  et  sur  les  mauvais,  quand  il  fait  que  la  terre  produit  nourriture  pour  tous  sans  exception,  cela  aussi  doit  estre  conte  entre  les  dons  et  benefices  de  Dieu  :  mais  la  foy  est  un  don  singulier,  lequel  ne  se  communique  pas  a  tous,  mais  Dieu  le  reserve  comme  un  thresor  a  ceux  que  bon  luy  semble.  Et  qui  en  est  cause  ?  Nous  sommes  tous  enfans  d'Adam,  nous  sommes  tous  d'une  mesme  masse.  Pourquoy  donc  illumine-il  les  uns  et  laisse  les  autres  en  leur  aveuglement?  Il  n'y  a  autre  cause  sinon  son  election.  Ainsi  donc,  combien  que  nous  ne  puissions  apprehender  ni  par  raison  ni  par  argument,  comment  c'est  que  Dieu  nous  a  eleus  devant  que  le  monde  fust  cree,  toutesfois  nous  cognoissons  cela  par  ce  qu'il  nous  en  declare,  et  l'experience  en  est  assez  notoire,  quand  nous  sommes  illuminez  en  la  foy.  Qui  est  cause  que  ie  recoy  l'Evangile  et  que  i'y  adhere:  et  cependant  que  les  autres  demeurent  en  leur  stupidite  brutale,  ou  bien  qu'ils  sont  envenimez  contre  la  doctrine  de  salut?  Si  ie  cuide  que  cela  vienne  de  mon  industrie,  ie  suis  sacrilege.  Car  il  nous  faut  tousiours  revenir  a  ce  que  nous  avons  veu:  qui  est-ce  qui  te  rend  plus  excellent?  S.  Paul  donc  rabat  la  toute  hautesse  des  hommes,  a  fin  que  nul  ne  s'avance,  et  qu'il  ne  mette  en  avant  qu'il  ait  rien  du  sien:  II  ne  faut  pas  (dit-il)  que  nous  pensions  avoir  aucune  dignite  propre:  mais  cela  vient  et  procede  de  Dieu.  Ainsi  en  ce  passage  S.  Paul  par  l'experience  declare  comme  les  Ephesiens  avoyent  este  eleus  de  Dieu,  et  qu'il  faloit  que  toute  leur  foy  fust  la  fondee,  c'est  a  scavoir  sur  la  bonte  gratuite  de  Dieu.  Et  qu'ainsi  soit  (dit-il),  vous  avez  ouy  la  doctrine  de  l'Evangile  et  y  avez  creu.  Mais  comment  cela?  Il  monstre  qu'il  a  falu  qu'ils  ayent  este  confermez  par  le  sainct  Esprit.  Or  s'ils  ont  este  confermez,  il  faloit  bien  qu'auparavant  le  sainct  Esprit  mesmes  besongnast.  Ainsi  il  n'est  plus  question  d'entrer  en  ce  labirinthe  si  profond  que  le  conseil  eternel  de  Dieu.  Car  il  nous  monstre  quasi  au  doigt  comme  il  nous  a  eleus,  voire  moyennant  que  nous  ne  luy  soyons  point  ingrats,  et  que  nous  cognoissions  le  bien  qu'il  nous  a  fait,  et  que  nous