50:299  299  SERMONS  300  vais.  Non  pas  que  nous  soyons  pleinement  affranchis  de  nos  pechez  :  comme  aussi  quand  S.  Paul  dit  que  pieu  nous  a  delivrez  a  fin  que  nous  cheminions  en  perfection  et  en  integrite  devant  luy,  ce  n'est  pas  qu'on  trouve  une  telle  purete  en  nul  homme,  cependant  qu'il  converse  en  ce  monde:  car  toutes  nos  pensees  seront  tousiours  rebelles  a  Dieu,  et  mesmes  les  plus  iustes  se  sentiront  tousiours  redevables,  et  cognoistront  qu'ils  trainent  encore  leur  cordeau.  Mais  quoy  qu'il  en  soit,  nous  sentons  d'autre  coste  que  desia  Iesus  Christ  par  foy  nous  a  retirez  de  la  servitude  du  diable  et  qu'il  nous  veut  maintenir  contre  tous  efforts.  Quand  nous  ferons  examen,  et  qu'un  chacun  entrera  en  soy,  nous  trouverons  d'un  coste,  quand  il  y  a  quelque  bon  desir,  et  que  nous  cerchons  d'honorer  Dieu,  que  nostre  nature  nous  conduit  tout  au  rebours,  que  nous  desirons  d'en  estre  eslongnez  :  tellement  que  les  fideles  doivent  sentir  en  eux  tous  ces  deux  mouvemens:  que  d'un  coste  quand  nous  sommes  advertis  du  sainct  Esprit  (comme  sainct  Pierre  nous  en  exhorte)  de  nous  adonner  a  toute  sainctete  de  vie:  d'autre  coste  nous  sentons  que  nous  avons  beaucoup  d'affections  meschantes  qui  nous  retiennent,  tellement  que  nous  ne  pouvons  pas  approcher  de  Dieu  comme  nous  voudrions.  Et  voila  pourquoy  sainct  Paul  au  septieme  chapitre  des  Rom.  gemit  et  confesse  qu'il  est  mal-heureux,  d'autant  qu'il  ne  peut  pas  faire  le  bien  qu'il  voudroit  et  qu'il  desire,  et  qu'il  ne  peut  pas  du  tout  fuir  le  mal  qu'il  a  en  haine  et  lequel  il  deteste.  Voila  donc  ce  que  nons  avons  a  observer  de  ceste  delivrance  dont  il  est  fait  mention,  que  nostre  Seigneur  Iesus  Christ  ne  nous  a  pas  tellement  regenerez  encores  par  son  sainct  Esprit,  que  nous  soyons  en  pleine  liberte  de  cheminer  comme  nous  devons,  et  que  nous  courions  viste  pour  avoir  une  affection  alaigre  comme  il  seroit  bien  requis.  Mais  nous  sommes  delivrez  pour  tousiours  tendre  a  nostre  but:  c'est  de  nous  desdier  a  Dieu  en  pleine  obeissance,  et  nous  retirer  de  nos  corruptions,  et  y  renoncer  de  plus  en  plus,  iusques  a  ce  que  le  temps  de  perfection  soit  venu,  c'est  a  scavoir,  quand  Dieu  aura  pleinement  reforme  son  image  en  nous.  Or  cependant  combien  que  les  Galatiens  se  fussent  revoltez  en  partie,  qu'ils  eussent  preste  l'aureille  a  ces  brouillons  qui  avoyent  desguise  l'Evangile,  et  fait  un  meslinge  tel  que  Iesus  Christ  fust  enseveli  et  comme  estouffe:  si  est-ce  toutesfois  que  sainct  Paul  encores  les  accouple  avec  les  fideles,  ausquels  ce  sacrifice  a  este  offert:  comme  aussi  il  les  met  encores  en  l'Eglise  de  Dieu.  Il  ne  dit  pas,  A  ces  apostats  qui  ont  abandonne  Iesus  Christ.  Il  est  vray  que  tantost  il  leur  monstrera  bien  leur  mal:  mais  quoy  qu'il  en  soit,  si  ne  les  veut-il  point  du  tout  exclure  de  l'esperance  de  salut.  Car  il  ne