5:299  EPISTOLA  IL  audebunt,  quos  detestabilis  idololatriae,  et  non  unius  sacrilegii  autores  esse  constat?  Taceo  reliquum  anni  tempus,  quo  procul  a  suis  ecclesiis  absentes,  per  vicarios  suos,  furacissimos  praedones,  rapinas,  direptiones,  populationes,  latrocinia  omne  genus  exercent,  quibus  enumerandis  volumen  unum  non  sufficeret.  Et  sunt  [pag.  66]  adeo  prodigiosa  nomina,  quibus  expilationes  illas  suas  praetexunt,  ut  non  nisi  ab  illis  paucisque  captiosis  pragmaticis  intelligantur.  Atque  ut  viscos  illos,  et  tot  furandi  artes  dissimulemus,  quo  tamen  iure  praeripiunt,  quod  pastorum  alimentis  destinatum  erat?  Quum  enim  reddenda  erit  principi  pastorum  ratio,  quomodo  expensum  ille  sceleratis  latronibus  feret,  quod  probis  sanctisque  pastoribus  in  laboris  stipendium  cedere  voluit?  Scilicet  non  cogitant,  iam  olim  ab  ipso.  ea  de  re  pronunciatum  esse  (Ies.  56,  10):  ubi  canes  somnolentos  tam  severe  obiurgat,  qui  quum  muti  sint,  et  ad  latrandum  ignavi,  saturitatem  tamen  nesciunt.  Enimvero  maius  mihi  certamen  cum  reliqua  sacerdotum  turba,  atque  (ut  ipsis  quidem  videtur)  multo  difficilius  restat.  Nam  quorum  sacerdotia  non  ea  sunt  conditione,  ut  ecclesiis  pastorum  nomine  ipsi  praesideant  (quo  e  genere  sunt  prodigia  illa  nominum  abbatiae,  prioratus,  praebendae,  capellaniae,  decanatus  item,  praepositurae,  thesaurariae  aliique  infiniti,  ut  vocant,  personatus)  nulla  ratione  sibi  videntur  impediri,  quominus  et  teneant  illa  et  eorum  proventu,l)  ceu  iusto  patrimonio,  in  quos  visum  fuerit  sumptus  abutantur.  Sed  de  proventu  mox  :  nunc  tantum  eiusmodi  pedicis  an  illis  se  implicare  liceat,  consideremus.  Audio  quid  pro  se  dicant  abbates,  si  qui  sunt  qui  a  verbo  Dei  non  alieni  videri  velint:  praesentem  rerum  statum  sibi  non  minus,  quam  optimo  cuique  improbari,  atque  ut  totam  monasticen,  quam  scatere  omni  impietate  norunt,  abominationi  habent,  ita  eam  se  minime  fovere.  Neque  vero  per  se  stare,  quo  minus  pereat  ac  deiiciatur:  si  res  in  sua  potestate  sita  foret,  eius  animi  specimen  se  edituros.  Quod  autem  fructus  e  paludibus  illis  provenientes  colligunt,  non  tamen  ideo  se  in  illarum  coeno  provolvere,  sed  oblatam  a  Domino  benedictionem  non  spernere:  hac  interim  conscientia  securos,  quod  nullius  flagitii  vel  autores  sunt,  vel  fautores.  Haec  si  serio  praedicarent,  an  eius  quam  detestari  se  aiunt,  impietatis  principes  haberi  paterentur?  Ac  non  magis  eam  sic  toto  animo  aversarentur,  ut  a  minima  etiam  participatione  penitus  se  dimoverent?  Quid  autem  est  abbas,  nisi  monasticae  superstitionis  praeses  atque  assertor?  Proinde  non  video,  cur  vituperari  monachismus  debeat,  ut  non  prima  voce  impetatur  ille,  qui  monasterii  administrationem  non  secus  ac  rem  sanctam  recipit:  nisi  1)  1576  seqy.:  proventus.