49:299  299  ARGUMENTUM.  300  num,  quo  sui  admirationem  excitarent.  Hoc  accidere  necesse  est  omnibus  qui  se  nondum  exuerunt,  ut  ad  opus  Domini  prorsus  expediti  accedant*  Hic  primus  est  gradus  ad  ministrandum  Christo,  ut  nosmetipsos  obliti  de  sola  Domini  gloria,  deque  hominum  salute  cogitemus.  Deinde  nemo  ad  docendum  erit  unquam  idoneus,  nisi  qui  evangelii  virtutem  prius  ipse  imbiberit,  ut  non  tam  ore  loquatur  quam  cordis  affectu.  Proinde  qui*spiritu  Dei  renati  non  sunt,  quia  nec  senserunt  intus  evangelii  virtutem,  nec  sciunt  quid  illud  valeat,  nos  oportere  novas  esse  creaturas:  mortuam  habent  praedicationem,  quae  vivida  et  efficax  esse  debebat:  et  ut  scenae  serviant,  evangelium  fucando  deformant,  ut  sit  instar  mundanae  philosophiae.  Nec  vero  iis,  de  quibus  nunc  agimus,  id  Corinthi  efficere  difficile  fuit.  Ducuntur  enim  fere  mercatores  externis  larvis:  et  eadem,  qua  alios  decipiunt,  vanitate  se  lactari  non  tantum  patiuntur,  sed  quodammodo  gaudent.  Ad  haec  quum  auribus  sint  delicatis,  ut  non  sustinent  durius  obiurgari,  ita  si  in  doctores  molliculos  inciderint  a  quibus  blande  tractentur,  mutuum,  eos  palpando,  quasi  mercedem  reddunt.  Hoc  quidem  ubique  fieri  concedo:  sed  in  urbibus  opulentis  et  mercatoriis  magis  commune.  Paulus  alioqui  divinus  homo  et  admirandis  virtutibus  excellens,  non  tamen  externa  elegantia  nitebat,  nec  pompa  erat  inflatus,  quo  se  venditaret.  Denique  ut  solida  spiritus  virtute  intus  erat  refertus,  ita  nihil  ostentationis  habebat:  nesciebat  blandiri,  placere  hominibus  non  curabat.  Hunc  unum  finem  habebat  propositum,  ut  se  et  aliis  omnibus  in  ordinem  redactis,  Christus  regnaret.  Corinthiis  argutam  magis  doctrinam  quam  fructuosam  appetentibus  evangelium  non  sapiebat:  novarum  rerum  cupidis  iam  obsolescebat  Christus.  Aut  si  nondum  in  ista  vitia  prolapsi  erant,  erant  tamen  ad  tales  corruptelas  sponte  iam  propensi.  Ita  facilis  erat  pseudoapostolis  accessus  ad  Christi  doctrinam  inter  eos  adulterandam.  Siquidem  adulteratur  quum  ita  inficitur  nativa  eius  simplicitas,  et  quasi  fucatur,  ut  nihil  a  mundana  philosophia  differat.  Ergo  ut  Corinthiorum  palato  servirent,  condimentum  adhibebant  suae  praedicationi,  quo  verus  evangelii  sapor  corrumperetur.  Tenemus  nunc  quo  consilio  ad  hanc  epistolam  scribendam  adductus  fuerit  Paulus.  Nunc  singula  rerum  capita  breviter  annotando  summam  argumenti  complectar.  A  gratulatione  incipit,  quae  vim  habet  exhortandi  ut  respondeant  primis  ultima:  et  hoc  modo  praemollit  eos,  ut  se  magis  dociles  praebeant.  Verum  statim  descendit  ad  obiurgationem,  dissidia  commemorans,  quibus  laborabat  eorum  ecclesia.  Huic  malo  dum  mederi  vult,  a  fastu  eos  ad  humilitatem  revocat.  Nam  evertit  omnem  mundi  sapientiam,  ut  solam  ��rucis  praedicationem  erigat:  simul  etiam  humiliat