25:299  299  REDITUS  AD  HISTORIAM.  300  vel  debiles  iacuisse.  Quo  praestantior  fuit  zelus  Phinees,  dum  tot  improbos  et  sceleratos  in  sua  lascivia  furentes  lacessere  non  dubitavit.  Si  quis  obiiciat,  metas  suae  vocationis  excessisse,  quia  gladium  quo  divinitus  armatus  non  erat,  ad  caedem  arripuerit,  in  promptu  est  responsio,  vocationem  non  semper  astringi  ad  munus  ordinarium,  quia  Deus  interdum  servis  suis  novas  et  insolitas  personas  imponit.  Quatenus  sacerdos  erat  Phinees,  eius  non  fuit  crimen  ulcisci:  verum  singulari  Dei  instinctu  vocatus  est,  ut  homo  alioqui  privatus  spiritum  sanctum  haberet  ducem.  Haec  quidem  in  exemplum  trahi  non  debent,  ut  inde  statuatur  communis  regula:  interim  tamen  manet  sua  Deo  libertas,  ut  privilegio  servos  suos  ad  res  gerendas  prout  visum  fuerit  praeficiat.  Cuius  rei  certum  iudicium  fieri  potest  ab  eius  approbatione  :  sicuti  firma  ratione  colligimus,  ab  ipso  gubernatum  fuisse  Phinees,  quia  mox  pronunciavit  sibi  facinus  placere:  quod  similiter  in  Psalmo  (106,  30)  repetitur.  Nunc  si  quis  homo  privatus,  praepostero  zelo  se  ad  puniendum  simile  crimen  ingerat  frustra  se  imitatorem  Phinees  iactabit,  nisi  coelestis  mandati  probe  sibi  conscius  fuerit.  Occurrat  igitur  semper  nobis  Christi  responsum  (Luc.  9,  55),  quo  discipulos  compescuit  quum  vellent  exemplo  Eliae  precari  ut  igni  coelesti  consumerentur  qui  eos  non  receperant:  Nescitis  cuius  spiritus  sitis,  inquit.  Ergo  ut  Deo  probetur  zelus  noster,  prudentia  spirituali  temperari,  et  Dei  autoritate  regi  necesse  est:  denique  spiritum  sanctum  praeire,  ac  dictare  quid  rectum  sit,  9.  Et  fuerunt  mortui  plaga  illa.  Videtur  a  Mose  discrepare  Paulus,  qui  tantum  viginti  tria  millia  refert:  verum  scimus  in  numeris  non  semper  teneri  exactam  rationem.  Probabile  est  circiter  viginti  quatuor  millia  occisos  esse.  Millenarium  ergo  unum  detraxit  Paulus,  et  citeriore  numero  contentus  fuit,  ex  quo  tamen  perspicere  liceret  quam  severa  et  gravis  fuisset  ultio:  qua  nos  doceri  admonet  ne  scortando  iram  Dei  provocemus.  Sicuti  enim  prodigiosum  est,  foeda  et  pudenda  labe  tantam  multitudinem  fuisse  infectam,  ita  nobis  ante  oculos  subiicitur  formidabile  Dei  iudicium  contra  adulteros  et  scortatores.  Etsi  autem  impiae  defectionis  rei  erant,  iam  tamen  dictum  fuit,  merito  poenam  adscribi  libidini,  quae  ipsos  ad  idololatriam  impulit.  EX  EODEM  CAPITE.  10.  Tunc  loquutus  est  Iehova  ad  Mosen,  dicendo:  l  l  .  Phinees  filius  Eleazar  filii  Aharon  sacerdotis  avertit  excandescentiam  meam  a  filiis  Israel,  quum  zelatus  est  ipse  zelum  meum  in  medio  eorum,  et  non  consumpsi  filios  Israel  in  zelo  meo.  12.  Idcirco  dic: