20:299  299  EPISTOLAE  4103.4104  300  a  mot,  sans  y  rien  omettre  ni  adiouster,  a  la  forme  qui  s'en  suit.  Au  nom  de  Dieu.  Ie  Iean  Calvin,  Ministre  de  la  parole  de  Dieu  en  l'Eglise  de  Geneve,  me  sentant  tellement  abbatu  de  diverses  maladies,  que  ie  ne  puis  autrement  penser  sinon  que  Dieu  me  veut  retirer  en  brief  de  ce  monde,  ay  advise  de  faire  et  coucher  par  escrit  mon  testament  et  declaration  de  ma  derniere  volonte  en  la  forme  qui  s'ensuit.  C'est  en  premier  lieu  que  ie  rens  graces  a  Dieu  de  ce  que  non  seulement  il  a  eu  pitie  de  moy,  sa  povre  creature,4)  pour  me  retirer  de  l'abysme  d'idolatrie  ou  i'estoye  plonge,  pour  m'attirer  a  la  clarte  de  son  Evangile  et  me  faire  participant  de  la  doctrine  de  salut,  de  laquelle  i'estoye  par  trop  indigne,  et  que  continuant  sa  misericorde,  il  m'a  supporte  en  tant  de  vices  et  povretez,  qui  meritoyent  bien  que  ie  fusse  reiette  cent  mille  fois  de  luy.  Mais  qui  plus  est,  il  a  estendu  vers  moy  sa  merci  iusques  la  de  se  servir  de  moy  et  de  mon  labeur  pour  porter  et  annoncer  la  verite  de  son  Evangile:  protestant  de  vouloir  vivre  et  mourir  en  ceste  foy  laquelle  il  m'a  donnee,  n'ayant  autre  espoir  ni  refuge  sinon  a  son  adoption  gratuite,  en  laquelle  tout  mon  salut  est  fonde:  embrassant  la  grace  qu'il  m'a  faite  en  nostre  Seigneur  Iesus  Christ,  et  acceptant  le  merite  de  sa  mort  et  passion,  afin  que  par  ce  moyen  tous  mes  pechez  soyent  ensevelis,  et  le  priant  de  tellement  me  laver  et  nettoyer  du  sang  de  ce  grand  Redempteur  qui  a  este  espandu  pour  tous  povres  pecheurs,  que  ie  puisse  comparoistre  devant  sa  face,  comme  portant  son  image.  Ie  proteste  aussi  que  i'ay  tasche,  selon  la  mesure  de  grace  qu'il  m'avoit  donnee,  d'enseigner  purement  sa  Parole,  tant  en  sermons  que  par  escrit,6)  et  d'exposer  fidelement  l'Escriture  saincte.  Et  mesmes  qu'en  toutes  les  disputes  que  i'ay  eues  contre  les  ennemis  de  verite,  6)  ie  n'ay  point  use  de  cautele  7)  ne  sophisterie,  mais  ay  procede  rondement  a  maintenir  sa  querele.8)  Mais,  helas!  le  vouloir  que  i'ay  eu,  et  le  zele,  s'il  le  faut  ainsi  appeller,  a  este  si  froid  et  si  lasche  que  ie  me  sens  bien  redevable  en  tout  et  par  tout  :  9)  et  que  si  ce  n'estoit  sa  bonte  infinie,  toute  l'affection  que  i'ay  eue  ne  seroit  que  fumee:  voire  mesmes  que  les  graces  qu'il  m'a  faites  me  rendroyent  tant  plus  coulpable:  tellement  que  mon  recours  est  a  ce  qu'estant  Pere  de  misericorde,  il  soit  et  se  monstre  Pere  d'un  si  miserable  pecheur.  4)  quem  crearet  et  in  hoc  mundo  collocaret.  5)  in  scriptis  et  commentariis.  6)  evangelii.  7)  praestigiis,  malis  artibus  et  sophisticis.  8)  in  veritate  propugnanda.  9)  ut  innumera  mihi  ad  munus  meum  praeclare  fungendum  defuisse  fatear.