1:299  INSTITUTIO  REL.  CHRIST.  1539  .  1554.  quo  non  confirmata  renovataque  fuerit  eius  sanctio?  an  iis  incognitus  erat  Moses,  qui  Davidem  tractabant?  Verum,  ut  de  omnibus  simul  loquar:  certo  certius  est,  ipsorum  scripta  non  aliter  pervenisse  ad  posteros,  quam  de  manu  in  manum,  ut  ita  loquar,  perpetua  annorum  serie  a  patribus  tradita,  qui  partim  loquentes  audierant,  partim  recenti  memoria  discebant  ab  auditoribus  fuisse  ita  locutos.  31.  Imo  quod  ex  Machabaeorum  historia  obiiciunt  ad  elevandam  scripturae  fidem,  tale  est,  ut  nihil  ad  eam  stabiliendam  excogitari  possit  aptius.  Primum  tamen  quem  obtendunt  colorem  diluamus;  deinde  in  eos  retorquebimus  quam  in  nos  machinam  erigunt.  Quum  Antiochus,  inquiunt,  libros  omnes  iusserit  concremari,  unde  prodierunt  quae  nunc  habemus  exemplaria?  Ego  autem  vicissim  interrogo,  in  qua  officina,  tam  cito  fabricari  potuerint?  Constat  enim  post  sedatam  saevitiam  mox  exstitisse,  et  a  piis  omnibus,  qui  in  eorum  doctrina  educati  familiariter  eos  noverant,  sine  controversia  fuisse  agnitos.  Quin  etiam  quum  omnes  impii,  quasi  facta  coniuratione,  Iudaeis  tam  proterve  insultaverint,  nemo  unquam  illis  obiicere  ausus  est  falsam  librorum  suppositionem.  Nam  qualiscunque,  eorum  opinione,  sit  religio  iudaica,  Mosen  tamen  ipsius  esse  autorem  fatentur.  Quid  ergo  aliud  quam  proterviam  suam  plusquam  caninam  produnt  isti  blaterones,  dum  supposititios  libros  esse  mentiuntur,  quorum  sacra  vetustas  historiarum  omnium  consensu  approbatur?  Sed  ne  refellendis  tam  putidis  calumniis  frustra  plus  operae  impendam,  potius  hinc  reputemus,  quantam  Dominus  conservandi  verbi  sui  curam  habuerit  ;  quando  ipsum  ex  truculentia  saevissimi  tyranni,  quasi  ex  praesenti  incendio,  praeter  spem  omnium  eripuit;  quod  pios  sacerdotes  aliosque  tanta  constantia  instruxit,  ut  non  dubitaverint  thesaurum  hunc  vitae  suae  dispendio,  si  opus  foret,  redemptum,  ad  posteros  transmittere;  quod  acerrimam  tot  praesidum  ac  satellitum  conquisitionem  frustratus  est.  Quis  insigne  ac  mirificum  Dei  opus  non  agnoscat,  quod  sacra  illa  monumenta,  quae  prorsus  interiisse  sibi  impii  persuaserant,  mox  quasi  postliminio  redierunt,  et  quidem  maiore  cum  dignatione?  Sequuta  est  enim  graeca  interpretatio,  quae  per  totum  orbem  ea  vulgaret.  Neque  in  eo  tantum  apparuit  miraculum,  quod  foederis  sui  tabulas  Deus  a  sanguinariis  Antiochi  edictis  vindicavit;  sed  quod  inter  tam  multiplices  gentis  iudaicae  clades,  quibus  subinde  attrita  et  vastata,  mox  prope  ad  internecionem  redacta  fuit,  salvae  tamen  superstitesque  manserunt.  Lingua  hebraea  non  ignobilis  modo,  sed  prope  incognita  iacebat;  et  certe,  nisi  religioni  consultum  voluisset  Deus,  in  totum  periisset.  Et  per  quos  salutis  doctrinam  in  lege  et  prophetis  comprehensam  nobis  Deus  servavit,  ut  Christus  suo  tempore  patefieret?  Per  infestissimos  Christi  ipsius  hostes  Iudaeos;  quos  merito  ecclesiae  christianae  librarios,  Augustinus  ideo  appellat,  quia  nobis  subministrarunt  lectionem,  cuius  ipsi  usum  non  habent.  32.  Nec  suo  etiam  pondere  caret  ecclesiae  consensus.  1)  Neque  enim  pro  minimo  ducendum  est,  ex  quo  scriptura  publicata  fuit,  tot  saeculorum  voluntates  constanter  in  eius  obedientiam  consensisse;  et  utcunque  miris  modis  eam  vel  opprimere,  vel  evertere,  vel  inducere  prorsus,  et  ex  hominum  memoria  obliterare  satan,  cum  toto  mundo,  conatus  sit,  semper  tamen  instar  palmae  superiorem  evasisse  et  inexpugnabilem  perstitisse.  Siquidem  nemo  fere  excellentiore  ingenio,  vel  sophista,  vel  rhetor  olim  fuit,  qui  adversus  ipsam  vim  suam  non  intenderet;  nihil  tamen  profecerunt  omnes.  In  eius  ex-  1)  Adde  quod  aliae  quoque  sunt  optimae  rationes  cur  pondere  suo  non  careat  ecclesiae  consensus.  1550  et  seqq.