7:298  Basileam  reflexit  iter,  longius  a  Lothanngia  recedens,  ubi  literas  commendatitias  eblanditus  est  a  Grynaeo,  quibus  onustus  Argentoratum  se,  tanquam  in  ultimum  asylum,  recepit.  Literas  quum  reddidisset  Capitoni,  Bucero  et  Calvino,  tempus  sibi  ad  colloquium  dari  petiit.  Quod  concessum  est,  tametsi  Calvinus  interesse  noluit,  quo  liberius  effutire  auderet  Carolus  [pag.  12]  si  quid  haberet  adversus  eum,  quemadmodum  biennio  ante  praetexuerat.  Quia  autem  compluribus  diebus  prolixus  de  rebus  variis  habitus  fuit  sermo,  quem  recensere  supervacuum  foret,  summam  tantum  complectar.  Carolus  quum  purgare  se  deberet  de  sua  discessione,  omni  autem  honesto  colore  cerneret  se  destitui,  ad  hoc  artificium  confugit.  Simulavit  se  in  hac  opinionum  varietate,  quibus  hodie  turbatur  mundus,  se  quoque  multis  dubitationibus  abreptum  fuisse,  ut  incertus  fluctuaretur.  Ita  de  singulis  quaestionibus  hodie  controversis  illum  tanquam  novitium  aliquem  doceri  oportuit,  quanquam  non  multum  in  hac  re  exhibuit  molestiae  fratribus,  libenter  enim  universam  eorum  doctrinam  amplexus  est,  damnatis  papistarum  erroribus.  Quum  putaret  se  effugisse  longis  ambagibus,  ne  defectionis  suae  crimen  in  cognitionem  veniret,  illuc  tamen  demum  retractus  fuit.  In  his  angustiis  sudans  ac  haesitans,  initio  culpam  derivare,  vel  saltem  culpae  partem  in  alios  volvit,  ut  se  aliquo  modo  extricaret:  dicebat  enim  occasionem  sibi  fuisse  datam,  propter  motam  de  nonnullis  dogmatibus  concertationem,  sed  quum  hoc  illi  negaretur,  expungi  [passus  est.  Restabat  ut  extremae  perfidiae  reus  teneretur  qui  nulla  iusta  causa,  relicta  Christi  ecclesia  desertoque  ministerio,  ad  Antichristum  transfugisset.  Hoc  ergo  defectionis  crimen  agnoscere  coactus  est.  Acta  [pag.  13]  de  his  rebus  confecta,  quibus  perscriptum  fuit:  Carolum  ipsum  se  in  apostasiam  lapsum  esse  confiteri,  quum  a  vera  Christi  ecclesia  ad  antichristianam  ecclesiam  descivisset;  huius  peccati  veniam  cum  lacrymis  petere  a  pastoribus  ecclesiae  Argentinensis.  Aliam  constantiam  in  fide,  quam  hactenus  praestitisset,  in  posterum  polliceri,  ac  nominatim  in  perpetuum  eiurare  sacerdotium  papisticum,  et  missas  quae  ex  eo  dependent;  postremo  consentire,  ut  rata  essent  ac  firma  quaecunque  Agathopoli  acta  cum  fratribus  fuerant;  a  ministris  porro  Argentinensis  ecclesiae  tanquam  poenitentem  recipi  ac  illum  absolvi  a  reatu  in  nomine  Domini,  hac  conditione  ut  papae  in  perpetuum  renunciaret.  Quis  fidem  horum  actorum  faciet?  Ipsa  Caroli  manus.  Sicut  enim  exemplar  unum  habuit  ab  illis  subscriptum,  ita  alterum  manu  sua  consignatum  apud  eos  reliquit,  quod  hodie  quoque  servant.  Proferat  si  volet,  ac  convincat  me  falsitatis,  si  mentior.  Iam  conferant  lectores  cum  hac  historia,  quod  de  consilio  profectionis  suae  ad  iuniorem  Lotharingiae