6:298  In  tantum  libera  est  voluntas,  in  quantum  liberata  est,  et  in  tantum  appellatur  voluntas:  alioqui  potius  tota  cupiditas.  Quae  non  est,  sicut  Manichaei  desipiunt,  alienae  naturae  additamentum,  sed  nostrae  vitium:  a  quo  non  sanamur,  nisi  gratia  salvatoris.  Quod  si  quisquam  dicit,  etiam  cupiditatem  nihil  esse  aliud  quam  voluntatem,  sed  vitiosam  peccatoque  servientem,  non  resistendum  est:  nec  de  verbis,  quum  res  constat,  controversia  facienda  est.  Hic  audis,  de  qua  voluntate  hoc  dictum  velit  accipi:  audis  quibus  fulminibus  corruptae  voluntatis  vires  prosternat:  adeo  ut  ne  suo  quidem  nomine  eam  dignetur.  Subiungit  deinde  Pighius  definitionem  peccati  illic  positam:  Quod  sit  voluntas  retinendi  vel  consequendi  quod  iustitia  vetat  et  unde  liberum  est  abstinere:  quanquam  si  liberum  non  est,  neque  est  voluntas.  Iam  in  his  etiam  verbis  mentem  suam  nobis  Augustinus  edisserat:  Vera,  inquit,  propterea  est  definitio,  quia  id  definitur,  quod  tantummodo  peccatum  est,  non  etiam  poena  peccati.  Nam  quando  tale  est,  ut  idem  sit  et  poena  peccati,  quantum  est  quod  valet  voluntas  sub  dominante  cupiditate?  nisi  forte  si  pia  est.  In  tantum  enim  libera  est,  in  quantum  est  liberata.  Vides  ipsius  autoris  testimonio,  qui  eius  certe  quod  dixit  interpretandi  ius  habere  debet,  non  nisi  primo  Adae  peccato  convenire  hanc  definitionem?  quia  per  eius  lapsum  a  primo  dominio  1)  in  miseram  servitutem  excidimus.  Hinc  ergo  collige,  qua  fronte  mihi  hoc  loco  tragicis  'suis  acclamationibus  Pighius  insultet.  At  dicit  Augustinus,  rem  esse  omnibus  tritam,  neminem  vituperatione  aut  poena  esse  dignum,  qui  id  non  facit,  quod  facere  non  potest.  Hoc  pastores  in  montibus,  poetas  in  theatris,  indoctos  in  circulis,  doctos  in  bibliothecis,  magistros  in  scholis,  doctores  sacros  in  [pag.  92]  templis  clamare  et  decantare.  Verum  simul  testatur,  perversum  esse  verborum  suorum  interpretem,  qui  hoc  ad  omnia  peccata  trahat.  Se  enim  non  a)iud  velle,  quam  non  potuisse  merito  damnari  hominem,  nisi  libera  voluntate  peccasset.  Nunc  vero  partem  damnationis  esse  illam  servitutem,  sub  qua  tenemur  captivi  et  mente  et  voluntate,  donec  gratuito  Christi  beneficio  liberamur.  Nunc  quid  superest,  nisi  ut  Augustinum  bestiam  appellet,  quod  non  suae  dementiae  suffragetur?  Hanc  enim  obiectionem  ipse  movet.  Quid  si  alicubi  contrarium  dixerit?  Si  fecisset,  aut  faceret,  connumerarem  eum  cum  Lutheranis,  ac  in  brutum  animal  degenerasse  dicerem.  Hic  non  modo  contrarium  Pighii  sensui2j  dicit,  sed  in  illis  quoque  verbis  contrarium  sensisse  se  testatur.  Locus  quem  allegat  ex  libro  de  Vera  religione,  1)  Domino  1552  seqq.  {G.  domination).  2)  Ste  sola  princeps.  Caeteri  scribunt:  sensu.  G.  a  le  prendre  comme  Pighius.