50:298  a  toute  purete  de  vie,  et  qu'ils  cognoissent  qu'estans  rachetez  par  nostre  Seigneur  Iesus  Christ,  et  par  le  sacrifice  de  sa  mort  et  passion,  c'est  a  ceste  condition  qu'ils  renoncent  a  eux-mesmes.  Comme  aussi  nous  oyons  que  nostre  Seigneur  Iesus  Christ  le  declare,  qui  voudra  estre  de  mes  disciples  (dit-il),  qu'il  s'aneantisse  soy-mesme  et  qu'il  me  suyve.  Qu'avons  nous  donc  a  faire,  et  quelle  doit  estre  nostre  estude  tout  le  temps  de  nostro  vie?  C'est  que  nous  mettions  peine  a  nous  retirer  des  pollutions  de  ce  monde  pour  adherer  en  purete  de  vie  a  nostre  Dieu.  Or  il  est  vray  que  ceci  ne  s'accomplit  point  en  nous,  iusques  a  ce  que  nous  soyons  retirez  de  ce  monde:  mais  c'est  le  but  auquel  il  nous  faut  regarder,  et  duquel  il  nous  faut  approcher  de  plus  en  plus.  Tout  ainsi  donc  que  les  fideles  ont  tousiours  leur  recours  a  la  misericorde  de  Dieu,  et  qu'ils  sont  fondez  en  icelle,  et  qu'ils  ne  sont  iustes  que  par  la  remission  de  leurs  pechez  :  aussi  faut-il  qu'ils  tendent  a  ceste  fin  que  sainct  Paul  nous  propose  ici,  c'est  qu'ils  se  separent  du  monde.  Et  ces  deux  choses  sont  bien  a  noter.  Il  y  a  des  fantastiques  qui  ont  imagine  une  perfection  telle,  que  quand  nous  sommes  regenerez  en  nostre  Seigneur  Iesus  Christ,  nous  n'avons  plus  besoin  de  la  remission  de  nos  pechez:  et  mesmes  ils  disent  que  nous  retenons  le  monde  a  l'A  B  C,  quand  nous  preschons  que  nous  ne  pouvons  estre  iustes  que  par  foy,  que  nous  ne  pouvons  estre  agreables  a  Dieu,  sinon  d'autant  qu'il  nous  pardonne  nos  fautes,  et  qu'il  les  couvre  par  sa  bonte.  Or  c'est  une  arrogance  diabolique  :  et  mesmes  en  la  Papaute  on  ne  baillera  pas  plus  de  louange  a  la  bonte  de  Dieu  que  cela.  Ainsi  donc,  detestons  tels  forcenez  et  tous  leurs  blasphemes,  quand  ils  nous  viendront  ensorceler  iusques  la,  que  nous  n'ayons  plus  besoin  que  Dieu  nous  regarde  en  pitie,  et  qu'il  nous  pardonne  nos  fautes  :  mais  cognoissons  qu'il  nous  faut  gemir  tout  le  temps  de  nostre  vie,  qu'il  n'y  a  autre  esperance  pour  nous  asseurer  de  nostre  salut,  sinon  apres  avoir  passe  condamnation,  que  nous  ne  doutions  pas  que  tousiours  le  sang  de  nostre  Seigneur  Iesus  Christ  ne  nous  lave  et  nettoye  :  voila  un  item.  Mais  cependant  tendons  tousiours  la  que  nous  soyons  separez  de  ce  monde  malin.  Et  comment?  C'est  que  nous  prions  Dieu  qu'apres  nous  avoir  touchez  par  son  sainct  Esprit,  il  augmente  ses  dons  en  nous,  et  qu'il  mortifie  les  cupiditez  de  nostre  chair.  Et  quand  nous  sentons  un  combat  tel,  qu'il  nous  faut  efforcer,  ou  bien  que  nous  n'allons  a  Dieu  qu'en  clochant,  et  mesmes  que  nous  faisons  beaucoup  de  faux  pas,  et  qu'il  nous  adviendra  de  cheoir,  et  de  nous  fourvoyer  :  que  tousiours  nous  gemissions,  voyant  que  nous  defaillons  a  tous  les  coups.  Yoila  donc  comme  nous  serons  delivrez  de  ce  siecle  mau-