5:298  idolorum  plaustra,  superstitiones  plus  quam  magicas  aequo  animo  se  tolerare  causantur,  quo  indoctam  rudemque  plebeculam,  sine  offensione,  ad  veri  cognitionem  adducant.  Salutis  fiduciam,  quae  a  Christo  pendere  tota  debuerat,  huc  atque  illuc  tantisper  divagari  non  aegre  patiuntur,  dum  eminus  raptimque  inspecto  Christo  populus  toto  pectore,  si  libuerit,  ad  ipsum  applicet.  Atqui  istaec  erant  prima  exordia,  quibus  ecclesiam  inchoare,  prima  fundamenta,  [pag.  65]  quae  ad  eam  l)  exaedificandam  iacere  debuerant.  Quare  haec  tolerantia  in  rebus  minime  tolerandis  nihil  simile  habet  cum  lacte  illo,  quo  imbecilles  adhuc  Corinthios  Paulus  nutriebat  (1  Cor.  3,  2).  Illo  enim,  qui  sunt  adhuc  in  Christo  pueri,  utcunque  pro  suo  modulo  ad  pietatem  imbuuntur:  hac  universa  religio  dissipatur.  Illo  pedetentim  ignorantia  diluitur,  hac  in  pervicaciam  coalescit.  Illo  nutriuntur  ad  coelestem  vitam  animae,  hac  enecantur.  Verum  inepte  facio,  qui  in  re  expeditissima,  et  quae  verbo  uno  absolvi  potest,  diutius  commoror.  Siquidem  eum  nemo  audiendum  duxerit,2)  qui  ad  salutem  rebus  extremis  afferendam  missus,  quo  melius  procedat  sua  opera,  prima  salutis  initia  in  longum  tempus  differre  se  dicat  :  praesertim  ubi  palam  fit,  illius  mora  omnia  pessum  ire,  ne  cuius  postea  ope  instaurari  queant.  Porro,  ad  refellendam  eorum  tergiversationem,  illud  quoque  accedit,  quod  omnibus  prope  errorum  pestibus  quibus  repurgandam  ecclesiam  susceperunt,  eam  inficiunt.  Quid  enim  aliud  est,  pro  mortuis  apud  Deum  intercedere,  quam  pestilenti  purgatorii  opinione  inquinare  hominum  mentes?  Quid,  audita  peccatorum  enumeratione,  iniunctaque  satisfactione,  absolutos  dimittere:  nisi  quibus  involuti  sunt  laqueis,  fortius  adhuc  ipsos  constringere?  Quid  vero,  ut  alia  multa  omittamus,  missaticum  sacrificium  peragere,  nisi  uno  simul  exitio  et  populum  dare,  et  ipsam  quoque  religionem?  Perinde  ac  si  chirurgus,  ad  comparandam  homini  incolumitatem,  ipsum  ante  iugulet:  aut  si  medicus  stomachum  salubri  potione  refecturus,  toxico  primum  imbuat.  O  moderatores,  quibus  et  Dei  verbum,  et  hominum  animas,  sine  modo,  sine  ratione,  sine  delectu  contaminare,  obscurare,  perturbare,  disiicere,  exstinguere  satius  est,  quam  cuticulae  iactura  praescriptam  a  Deo  simplicitatem  tenere!  Eius  ergo  populi  ut  fidi  probique  pastores  censeantur,  postulabunt,  quem  non  modo  libidini  prostituunt  impiorum,  sed  ipsi  flagitiose  circumscribunt?  Conciones  illas  nescio  quales,  fastuose  nobis  obtrudent,  ad  quas  talibus  prooemiis  auditores  comparant:  quas  talibus  demum  catastrophis  claudunt  atque  terminant?  Imo  qua  fronte  verbum  iam  in  sui  defensionem  facere  1)  eam,  omittunt  omnes  praeter  principem.  2)  1576  seqq,  dixerit.  Gallus  qui  ne  trouve  mauvais.