49:298  gionis  caput,  resurrectio  mortuorum  in  dubium  vocaretur.  Et  tamen  in  tanta  omnis  generis  corruptione  perinde  sibi  placebant  ac  rebus  omnibus  optime  apud  se  constitutis.  Hae  sunt  usitatae  Satanae  artes:  si  doctrinae  viam  praecludere  non  potest,  clanculum  ad  eam  adoriendam  obrepere:  si  oppositis  mendaciis  supprimere  eam  non  potest  quin  emergat,  occultos  ad  eam  diruendam  cuniculos  suffodere  :  si  denique  alienare  prorsus  ab  ea  non  potest  hominum  animos,  facere  ut  ab  ea  paulatim  degenerent.  Quod  autem  nebulones  illos,  qui  Corinthiorum  ecclesiam  turbaverant,  non  fuisse  apertos  veritatis  hostes  sentio,  id  ratione  non  caret.  Videmus  ut  nusquam  alibi  parcat  Paulus  falsis  doctrinis.  Breves  sunt  ad  Galatas,  ad  Colossenses,  ad  Philippenses,  ad  Timotheum  epistolae.  Atqui  in  illis  omnibus  non  tantum  pseudoapostolos  exagitat,  sed  etiam  simul  designat  quibus  in  rebus  nocerent  ecclesiae.  Et  merito  :  nec  enim  tantum  admonendi  sunt  fideles  quos  cavere  homines  debeant:  sed  malum  etiam  quod  caveant  illis  indicandum  est.  Non  est  ergo  mihi  credibile,  in  hac  tam  longa  epistola  voluisse  praeterire  silentio  quod  in  aliis  multo  brevioribus  diligenter  inculcat.  Huc  accedit,  quod  multa  Corinthiorum  vitia,  et  quidem  nonnulla  in  speciem  levia  recenset:  ufc  videatur  nihil  voluisse  omittere,  quod  in  illis  esset  reprehensione  dignum.  Praeterea  multum  alioqui  verborum  adversus  praeposteros  illos  doctores  vel  garrulos  rhetores  disputando,  consumit.  Perstringit  eorum  ambitionem;  reprehendit  quod  evangelium  in  humanam  philosophiam  transfigurent:  detrahit  illis  spiritus  efficaciam,  quia  in  verborum  ampullis  occupati,  mortuam  tantum  literam  sectentur:  de  pravo  aliquo  dogmate  verbum  nullum.  Constituo  igitur  fuisse  tales,  qui  de  evangelii  substantia  nihil  aperte  detraherent  :  sed  quum  arderent  prava  cupiditate  eminendi,  puto  eos  excogitasse  novum  docendi  modum  a  Christi  simplicitate  alie-  22