47:298  caecat.  Nihil  enim  minus  consentaneum  quam  ut  nihil  a  mendacio  differat  veritas,  panis  vitae  mortiferum  fiat  venenum,  et  medicina  augeatur  morbus.  Verum  id  hominum  malitiae  imputandum  est,  quae  vitam  convertit  in  mortem.  Notandum  praeterea  est,  Dominum  aliquando  per  se  ipsum  excaecare  hominum  mentes,  quum  iudicio  et  sensu  eas  privat:  aliquando  per  Satanam  et  pseudoprophetis,  quum  eorum  fallaciis  illas  dementat:  aliquando  etiam  per  suos-ministros,  quum  illis  noxia  ac  letalis  est  salutis  doctrina.  Caeterum  modo  fideliter  incumbant  pro-��  phetae  in  munus  docendi,  et  laboris  sui  fructum  Domino  commendent,  etiamsi  minus  ex  voto  succedat,  eos  deficere  vel  labascere  non  oportet:  sufficiat  potius  quod  laborem  suum  Deo  probari  norunt,  quamvis  hominibus  sit  inutilis,  imo  odorem  illum  doctrinae,  quem  sibi  mortiferum  reddunt  impii,  bonum  et  suavem  esse  Deo,  quemadmodum  testatur  Paulus  (2.  Cor.  2,  15).  Cor  aliquando  pro  sede  affectuum  ponitur  in  scriptura:  sed  hic,  ut  in  pluribus  aliis  locis,  para  animae  intellectiva  quam  vocant  notatur  hac  voce.  In  eundem  modum  loquitur  Moses,  Deute*.  29,  4:  Non  dedit  tibi  Dominus  cor  ad  intelligendum.  Ut  non  videant  oculis.  Meminerimus  sermonem  haberi  a  propheta  de  incredulis  qui  iam  ante  Dei  gratiam  respuerant.  Certum  quidem  est  tales  fore  omnes  natura,  nisi  Dominus  quos  elegit  ad  obsequium  suum  formaret.  Itaque  ab  initio  par  est  et  indifferens  hominum  conditio,  sed  postquam  reprobi  ultro  et  propria  malitia  Deo  rebelles  fuerunt,  huic  vindictae  locus  est,  ut  in  reprobum  sensum  coniecti  ruere  magis  ac  magis  in  suum  exitium  non  desinant.  Proinde  quod  Dominus  eos  converti  non  vult,  ex  eorum  culpa  manat,  quia  ipsi  sibi  desperationis  fuerunt  autores.  Breviter  etiam  his  prophetae  verbis  docemur,  quale  sit  nostrae  ad  Deum  conversionis  initium:  nempe  ubi  corda  illuminat,  quae  ab  ipso  tamdiu  aversa  esse  necesse  est,  dum  Satanae  tenebris  occupantur.  Contra  autem  ea  est  vis  divinae  lucis,  ut  nos  ad  se  rapiat  et  in  imaginem  Dei  transformet.  Fructus  conversionis  additur  sanatio,  quo  nomine  intelligit  propheta  Dei  benedictionem  ac  prosperum  statum,  adeoque  liberationem  ex  omnibus  miseriis,  quae  ex  ira  Dei  proveniunt.  Iam  si  hoc  reprobis  contingit  praeter  verbi  naturam,  tenenda  est  antithesis  contrarii  usus:  nempe  in  eum  finem  praedicari  nobis  verbum,  ut  nos  illuminet  in  veram  Dei  notitiam,  ut  ad  Deum  convertat  nosque  illi  reconciliet,  quo  beati  ac  felices  simus.  41.  Haec  dixit  Iesaias.  Ne  putarent  lectores  intempestive  citari  hoc  vaticinium,  diserte  admonet  Ioannes  prophetam  non  uni  saeculo  doctorem  fuisse  missum,  quin  potius  ostensam  illi  fuisse  Christi  gloriam,  ut  eorum  quae  sub  regno  eius  futura  erant  testis  esset.  Quorsum  enim  tendebant  propheticae