15:298  doctrina  nobis  subscribet,  sed  etiam  pro  singulari  humanitate  et  immodico  erga  me  amore,  sicut  tu,  liberaliter  exile  scriptum  laudibus  extollet.  Basilienses  nihil  aliud  morabitur  quam  blandum  Sulceri  ingenium,  cui  omnes  mulcere  ac  delinire  placet.  Verum  haec  omnia  Deus  gubernabit.  Nescio  an  tibi  scripserim  quam  pudendis  rumoribus  streperet  tota  vicinia,  me  haereseos  damnatum,  nos  misso  Ioanne  Fabro  apud  senatum  Bernensem  graviter  conquestos  esse:  ac  tunc  quidem  senatus  rem  sibi  curae  fore  promisit.  Nihildum  tamen  responsum  est.2)  De  Ducissa  Ferrariensi  tristis  nuncius  ac  certior  quam  vellem,  minis  et  probris  victam  cecidisse.3)  Quid  dicam  nisi  rarum  in  proceribus  esse  constantiae  exemplum?  Budaei  nostri  frater  qui  Regis  cubicularius  erat  tandem  huc  appulit.4)  Quamquam  valetudinarius  est,  cupit  tamen  brevi  te  invisere.  Interim  te  cum  reliquis  amicis  peramanter  salutat.  De  turbis  Argentinensis  ecclesiae5)  nos  esse  anxios  aequum  est.  Satagere  non  modo  esset  inutile,  sed  noxium.  Quiescam  igitur.  Collega  novae  Catechismi  editioni  fratrum  nomen  non  praetexit:  tantum  iactat  magnam  esse  penuriam.6)  De  rebus  nostris  per  eum  scribere  decrevi.  Hostes  enim  nisi  obviam  eatur  nescio  quid  praevideo  moliri.  Nostrorum  segnities  expergefieri  nequit.  Vale,  integerrime  frater.  Dominus  tibi  semper  adsit  teque  virtute  sua  sustentet  ae  spiritu  regat.  Genevae  calendis  Novemb.  1554.  Ioannes  Calvinus  tuus.  2038,  SEYLERUS  i)  CALVINO.  Filium  iusserat  Geneva  transeuntem  Calvinum  salutare.  Quem  quum  ille  domo  et  urbe  absentem  non  2)  Cf.  N.  2020.  2023.  Quum  Bernenses  nihildum  responderint  rumores  isti  de  damnato  haeretico  certitudinis  aliquam  speciem  prae  se  ferre  poterant.  3)  Post  adventum  inquisitoris  Orris  in  coenobio  quodam  quasi  captiva  tenebatur  et  ut  libertatem  recuperaret  haeresim  abiuravit,  non  sine  sera  poenitentia.  4)  Francois,  Sieur  de  Villeneuve,  recu  habitant  1554,  bourgeois  2.  Mai  1555.  (Galiffe  II.  85.)  5)  Gallicanae.  6)  Haec  satis  obscure  dicta.  Catechismus  iste  Genevensis  esse  nequit  Collega  ergo  quis?  An  Argentoratensis?  Verum  Genevae  adfuisse  videtur  quum  per  eum  scribere  Calvinus  decrevit  2038.1)  Gereon  Seyler  archiater  (Stadtphysicus)  Augustae  Vindelicorum,  commercio  epistolico  cum  Luthero,  Spalatino,  Argentoratensibus,  multisque  aliis  eius  aetatis  coryphaeus  iunctus.  Infra  m.  Maio  1556  leges  epistolam  eius  ad  Bullingerum.