9:297  297  DE  OCCULTA  DEI  PROVIDENTIA.  298  navit  ad  poenam,  et  ad  eorum  salutem  quos  benigne  praedestinavit  ad  gratiam.  Quantum  enim  ad  ipsos  attinet,  quod  Deus  noluit  fecerunt,  [pag.  581  quantum  vero  ad  omnipotentiam  Dei,  nullo  modo  id  efficere  valuerunt  :  hoc  quippe  ipso  quod  contra  voluntatem  Dei  fecerunt,  de  ipsis  facta  est  voluntas  eius.  Propterea  namque  magna  opera  Domini,  exquisita  in  omnes  voluntates  eius,  ut  miro  et  ineffabili  modo  non  fiat  praeter  eius  voluntatem,  quod  etiam  contra  eius  fit  voluntatem:  quia  non  fieret  si  non  sineret:  nec  utique  nolens  sinit,  sed  volens.  Nec  sineret  bonus  fieri  male,  nisi  omnipotens  etiam  de  malo  facere  posset  bene.  Quae  vero  adducis  testimonia,  nihilo  magis  ad  praesentem  causam  faciunt,  quam  si  oleo  vinum  diluere  velles.  Deus  per  Ezechielem  Iudaeos  immorigeros  alloquens,  dicit:  Ite,  servite  suis  quisque  idolis  (20,  39).  Fateor  sane  non  hanc  iubentis  esse  vocem,  sed  impiam  mixturam  repudiantis,  qua  Iudaei  legitimum  eius  cultum  adulterabant.  Sed  quid  inde  aliud  colliges,  nisi  [pag.  59]  Deum  interdum  permittere  quod  improbat  et  damnat?  Quasi  vero  non  constet  inter  omnes,  Deum  similibus  loquendi  formis  interdum  iubere,  interdum  concedere.  Dicit  in  lege:  Sex  diebus  operaberis:  concessio  est.  Nam  septimum  quemque  diem  sibi  consecrans,  reliquos  hominibus  liberos  facit.  Alio  etiam  modo  repudium  olim  Iudaeis  permisit,  quod  minime  probabat.  Hic  cum  indignatione  duplices  et  perfidos  idolis  devovet,  quia  non  vult  nomen  suum  profanari.  Sed  quomodo  de  arcana  eius  providentia  nunc  agi  oblitus  es,  qua  omnes  mundi  agitationes  pro  arbitrio  in  usum  suum  destinat  et  convertit?  Porro  alterum  locum  iam  inscite  et  perperam  corrumpens,  ostendis  quam  nihil  sacrum  sit  homini  impuro  et  profano.  Verba  Dei  sunt:  Quia  noluerunt  obedire  bonis  meis  praeceptis,  dedi  illis  praecepta  non  bona  (Ezech.  20,  24  sq.).  Hic  nugaris,  quum  deserti  essent  a  Deo,  prolapsos  esse  in  idololatriam.  Atqui  haud  dubie  intelligit  Deus  Chaldaeis  fuisse  addictos  in  servitutem,  [pag.  60]  qui  ad  tyrannicas  suas  leges  eos  cogerent.  Iam  quaeritur,  an  tantum  permiserit  Deus  Iudaeos  a  Chaldaeis  trahi  in  exsilium,  an  vero  ad  castiganda  populi  sui  peccata  delectis  a  se  flagellis  usus  fuerit?  Nam  si  ex  Dei  permissione  praetextum  adhuc  quaeras,  incendio  tradendi  erunt  omnes  prophetae,  qui  nunc  Satanam  a  Deo  mitti  ad  fallendum,  nunc  Chaldaeos  vel  Assyrios  ad  rapiendum,  affirmant:  nunc  dicunt  eundem  Deum  sibilare  Aegyptiis,  ut  eorum  opera  utatur:  Assyrios  esse  conductitios  eius  milites:  Nabucadnezer  in  expilanda  Aegypto  esse  eius  servum:  item  Assyrios  in  excidenda  Iudaea  securim  esse  in  eius  manu,  et  virgam  furoris  eius.  Alia  innumera,  ne  iusto  sim  prolixior,  omitto.  Non  minus  temulentae  audaciae  est  quod  Deum  fingis  mittere  spiritum  erroris  incredulis,