7:297  297  CALUMNIAS.  298  fuisse.  Conclusio  sermonis  fuit,  se  ideo  rediisse  ad  fratres  ut  pie  eum  ipsis  Deo  serviret  quieta  conscientia,  quoniam  in  Gallia  id  non  liceret,  unde  Christus  cum  suo  evangelio  exsulat.  Nam  quod  missam,  postquam  variis  tergiversationibus  evadere  non  poterat,  tamquam  horrendum  sacrilegium  abominatus  est,  quia  ad  causam  praesentem  non  facit,  nunc  omitto.  [pag.  10]  Quis  haec  omnia,  quae  narravi,  affirmat,  ne  autoritate  careat  historia?  Nempe  acta  extemplo  communi  omnium  consensu  confecta  fuerunt,  quae  apud  fratres  hodie  exstant.  Nec  dubito  quin  exemplar  secum  abstulerit  ipse  Carolus.  Redarguat  me  falsi  in  verbulo  uno  si  potest.  Hic  iam  ergo  convictus  tenetur  cum  meretricia  sua  protervia,  atque  hoc  ut  specimen  ingenuitatis  eius  diligenter  expendant  lectores,  etiam  atque  etiam  mihi  monendi  sunt.  Tertio  versu  praefationis  suae  inflatis  buccis  gloriatur  se  ad  ducem  Lotharingiae  profectum  esse,  ut  Luthe.rnos,  sicuti  vocat,  e  vicino  loco  propius  urgeret.  Ego  autein  contra  digito  ostendo  recta  illum  ad  eos  ipsos  cucurrisse,  suppliciter  confessum  ac  deprecatum  fuisse  culpam,  quod  illis  maledixisset,  approbasse  totam  eorum  doctrinam,  locum  denique  apud  eos  vivendi  rogasse,  quia  ab  impietate  papatus  eximere  se  vellet.  Interea  quum  adventus  eius  Bernam  nunciatus  foret,  missi  sunt  legati  duo  Agathopolim,  qui  iniuriarum  cum  eo  agerent,  quod  Bernatium  religionem  in  supplicatione  bullae  damnasset.  Protinus  iniecta  est  illi  manus;  ventum  est  ad  tribunal;  elabi  conatus  est,  nescio  quibus  subterfugiis,  quod  formula  bullae  dictata  fuisset  alterius  arbitrio,  consensum  vero  suum  nunquam  intercessisse.  Quum  frivolae  istae  excusationes  non  admitterentur,  tandem  damnatus  est  ad  publicam  solennemque  [pag.  ll]  calumniae  confessionem  cum  ignominiae  nota,  nec  ante  dimissus  est  quam  sententiae  fuit  satisfactum.  Ergo,  sicut  pronunciatum  fuerat  coram  tribunali,  confessus  est  se  impie  ac  nequiter  adversus  Deum,  illustre  dominium  Bernense  ac  Bernensis  ecclesiae  ministros  egisse,  quod  sacrosanctam  evangelii  doctrinam,  quae  illic  pure  ac  fideliter  traderetur,  falso  criminatus  fuisset.  Quem  huius  rei  testem  citabimus?  Nempe  acta  authentica  fori  Agathopolitani,  ex  quibus  bona  fide  retuli  hanc  summam.  Mirum  est,  quum  profectionis  suae  narrationem  institueret  Carolus,  hanc  partem  non  attigisse;  et  hinc  etiam  apparet  quam  strenuus  sit  athleta,  qui  loco  tam  facile  cedat.  Quanquam  adeo  severe  ac  duriter  tractatus  a  Lutheranis  quos  vocat,  ne  sic  quidem  locum  apud  eos  manendi  ambire  destitit.  Illinc  enim  concessit  Monsbelgardum,  ac  Petrum  Tossanum  fidelem  eius  ecclesiae  pastorem  adiit,  periculum  facturus,  num  eius  opera  promoveri  ad  aliquam  conditionem  posset.  Postquam  intellexit  nihil  se  illic  posse  consequi,