51:297  297  SUR  L'EPITRE  AUX  EPHESIENS.  298  un  tel  abysme,  qu'il  sentira  que  ceux  qui  ne  peuvent  adorer  avee  toute  humilite  et  reverence  la  maieste  de  Dieu  et  son  conseil  secret,  qu'il  faudra  (di-ie)  que  tous  cenx-la  demeurent  confus.  Ainsi,  apprenons  d'attribuer  tout  nostre  salut  a  Dieu,  quand  ii  est  question  de  cercher  quelle  en  est  la  cause.  Il  est  vray  que  pour  estre  enfans  et  heritiers  de  Dieu,  il  nous  faut  estre  du  corps  de  nostre  Seigneur  Iesus  Christ,  ce  qui  se  fait  par  foy:  mais  cependant  nous  ne  pouvons  pas  croire  a  l'Evangile,  sinon  que  Dieu  nous  attire  par  son  S.  Esprit.  Or  nous  voyons  qu'il  ne  tient  pas  mesure  egale  en  tous:  car  il  seroit  bien  en  luy  d'illuminer  tout  le  monde  et  faire  qu'il  n'y  eust  point  d'incredules:  nous  voyons  l'opposite.  Cognoissons  donc  qu'il  choisit  ceux  que  bon  luy  semble:  car  si  on  se  veut  enquerir  de  la  raison  pourquoy,  c'est  s'eslever  par  trop  haut:  et  c'est  ce  qui  est  cause  aussi  de  faire  rompre  le  col  a  tant  d'outrecuidez  qui  ne  peuvent  s'accorder  a  ce  poinct,  que  Dieu  gouverne  les  hommes  selon  sa  volonte,  comme  ce  droict-la  luy  appartient  bien.  Au  reste,  sainct  Paul  aussi  a  egale  par  ci  devant  les  Iuifs  avec  les  Payens:  et  voila  ce  qui  est  encores  a  traitter  plus  au  long.  Car  d'autant  que  Dieu  avoit  choisi  la  lignee  d'Abraham,  on  pouvoit  iuger  que  la  il  y  avoit  quelque  dignite  de  nature.  Il  est  vray,  si  nous  considerons  la  grace  que  Dieu  avoit  faite  aux  Iuifs,  qu'ils  sont  bien  a  preferer  a  tout  le  reste  du  monde:  mais  si  on  prend  ce  qu'ils  ont  d'eux-mesmes,  on  trouvera  qu'ils  sont  vuides  de  toute  iustice*  Car  il  nous  faut  revenir  a  ce  poinct,  que  Dieu  n'est  tenu  ni  oblige  a  nul  qui  soit:  mais  ce  qu'il  a  receu  les  Iuifs  par  adoption  gratuite,  n'est  pas  qu'ils  valussent  mieux  que  les  autres,  ou  qu'ils  se  peussent  glorifier  en  facon  que  ce  soit.  Voila  donc  pourquoy  notamment  sainct  Paul  dit  que  ceux  qui  auparavant  ont  creu  en  Iesus  Christ,  sont  aussi  bien  compris  sous  l'election  de  Dieu,  et  qu'ils  ne  peuvent  pas  se  vanter  d'estre  plus  dignes  d'avoir  rien  merite  outre  les  autres:  mais  qu'il  faut  la  venir,  que  tant  des  Iuifs  que  des  Payens  Dieu  a  voulu  choisir  ceux  qu'il  luy  a  pleu,  a  fin  que  sa  seule  misericorde  soit  ici  cognue,  et  que  toute  bouche  soit  close,  et  que  nul  ne  puisse  alleguer  qu'il  ait  rien  apporte  de  son  coste.  Or  quand  S.  Paul  entre  en  ceste  comparaison  des  Iuifs  avec  les  Payens,  il  dit  bien  que  si  on  a  esgard  a  ce  que  Dieu  les  a  tenus  pour  son  heritage,  qu'ils  ont  este  une  lignee  saincte,  qu'il  leur  a  donne  sa  Loy  et  ses  promesses,  que  les  voila  en  degre  plus  eminent  et  plus  haut  que  ceux  qui  ont  este  reiettez  et  delaissez  avec  tout  le  reste:  mais  si  nous  voulons  regarder  a  Dieu,  il  faut  que  toute  gloire  humaine  soit  abatue.  Or  S.  Paul  parle  seulement  la  de  ce  que  nos  pechez  noue  sont  pardonnez,  et  que